செல்வாக்குகள்
INFLUENCES 


64-0215

சனிக்கிழமை மாலை, பிப்ரவரி 15, 1964




எலியட் அரங்கம், டுலேர், கலிபோர்னியா, அமெரிக்கா





சகோ.வில்லியம் பிரன்ஹாம் 


ùNn§: 64-0215 - செல்வாக்குகள் 

   
      அது சரி. நாம் அவருடைய வார்த்தையை வாசிக்கும்போது நாம் எழுந்து நிற்க வேண்டும் என்று நான் நினைக்கிறேன். நீங்கள் அப்படி நினைக்கவில்லையா? எனவே, நாம் அவருடைய வார்த்தையை வாசிக்கும்போது ஒரு கணம் எழுந்து நிற்போம்.
    இன்றிரவு, வேதபாடத்திற்காக ஏசாயா புத்தகத்தில் உள்ள 6-ம் அதிகாரத்தை நான் வாசிக்கிறேன். உன்னிப்பாகக் கவனியுங்கள்.
    உசியா ராஜா மரித்த நாட்களிலே, ஆண்டவர் உயரமும் உன்னதமுமான சிங்காசனத்தின்மேல் வீற்றிருக்கக்கண்டேன்; அவருடைய வஸ்திரத் தொங்கலால் தேவாலயம் நிறைந்திருந்தது.
    அவருக்கு மேலாகச் சேராபீன்கள் நின்றார்கள்; அவர்களில் ஒவ்வொருவனுக்கும் ஆறு சிறகுகளிருந்தன; அவனவன் இரண்டு சிறகுகளால் தன் தன் முகத்தை மூடி, இரண்டு சிறகுகளால் தன் தன் கால்களை மூடி, இரண்டு சிறகுகளால் பறந்தான்.
    ஒருவரையொருவர் நோக்கி: சேனைகளின் கர்த்தர் பரிசுத்தர், பரிசுத்தர், பரிசுத்தர், பூமியனைத்தும் அவருடைய மகிமையால் நிறைந்திருக்கிறது என்று கூப்பிட்டுச் சொன்னார்கள்.
   கூப்பிடுகிறவர்களின் சத்தத்தால் வாசலின் நிலைகள் அசைந்து, ஆலயம் புகையினால் நிறைந்தது.
    அப்பொழுது நான்: ஐயோ! அதமானேன்; நான் அசுத்த உதடுகளுள்ள மனுஷன், அசுத்த உதடுகளுள்ள ஜனங்களின் நடுவில் வாசமாயிருக்கிறவன்; சேனைகளின் கர்த்தராகிய ராஜாவை என் கண்கள் கண்டதே என்றேன்.
    அப்பொழுது சேராபீன்களில் ஒருவன் பலிபீடத்திலிருந்து தன் கையிலிருந்த குறட்டால் ஒரு நெருப்புத் தணலை எடுத்து, என்னிடத்தில் பறந்து வந்து,
    அதினால் என் வாயைத் தொட்டு: இதோ, இது உன் உதடுகளைத் தொட்டப்படியால் உன் அக்கிரமம் நீங்கி, உன் பாவம் நிவிர்த்தியானது என்றான்.
    பின்பு: யாரை நான் அனுப்புவேன், யார் நமக்காகப் போவான் என்று உரைக்கிற ஆண்டவருடைய சத்தத்தைக் கேட்டேன். அதற்கு நான்: இதோ, அடியேன் இருக்கிறேன்; என்னை அனுப்பும் என்றேன்.
    2 இப்போது நாம் தலைகளைத் தாழ்த்துவோமாக. 
    3 பிதாவே, "ஐயோ," என்று ஏசாயா உணர்ந்தது போலவே நாங்களும் உணருகிறோம், "ஐயோ! மகிமையின் கர்த்தராகிய ராஜாவை எங்கள் கண்கள் கண்டதே."
    ஆண்டவரே, இன்றிரவு எங்கள் உதடுகளை மட்டுமல்லாமல் எங்கள் இருதய ங்களையும் ஆத்துமாக்களையும் தொடக் கூடிய, எங்கள் அசுத்தங்கள் எல்லாவற் றிலிருந்தும் எங்களைச் சுத்திகரிக்கக்கூடிய ஒரு சுத்திகரிக்கும் முறைமை இருப்பதற்காக உமக்கு நன்றி செலுத்துகிறோம்.
    ஏனெனில், மெய்யாகவே நாங்கள் அசுத்த உதடுகளுள்ள ஜனங்களின் நடுவில் வாசமாயிருக்கிறோம், எங்கள் உதடுகளும் அசுத்தமாயிருக்கின்றன.
    மாபெரும் பரிசுத்த ஆவியானவர் வந்து அபிஷேகத்தினால் எங்கள் உதடுகளையும் எங்கள் இருதயங்களையும் தொட வேண்டும் என்றும், தேவனுடைய பலிபீடத்திலிருந்து வருகிற பரிசுத்த ஆவியின் அக்கினி, எங்கள் அவிசுவாசம் மற்றும் சந்தேகங்கள் எல்லாவ ற்றிலிருந்தும் எங்களைச் சுத்திகரித்து, அவர் உள்ளே வந்து எங்களோடே வாசம்பண்ண வேண்டும் என்றும் நாங்கள் ஜெபிக்கிறோம்.
    ஏனென்றால், நாங்கள் அவரை நேசிக்கிறோம், அவரை ஆராதிக்கிறோம், அவரை வணங்குகிறோம்.
    பிதாவே, தேவனுடைய அக்கினியாகிய மாபெரும் பரிசுத்த ஆவியானவரின் அந்தச் சுத்திகரிக்கும் தொடுதலைப் பெறாத எவரேனும் இன்றிரவு இங்கே இருந்தால், தேவனுடைய ராஜ்யத்தின் நிமித்தம் இன்றிரவு அவர்களுக் குள்ளே அந்தக் கிரியை செய்யப்பட வேண்டும் என்று நாங்கள் ஜெபிக்கிறோம்.
    இயேசுவின் நாமத்தில் இதைக் கேட்கிறோம். ஆமென்.
    நீங்கள் அமரலாம். 
    4 நான் சீக்கிரமாக முடிக்க முயற் சிப்பேன். நீங்கள் ஞாயிறு பள்ளியைத் தவறவிடுவதை நான் விரும்பவில்லை.
    ஒரு நாள் வேலையைத் தவறவிடுவது உங்களுக்குப் பரவாயில்லை, அதை நீங்கள் அவ்வளவாக இழக்கமாட்டீர்கள்; ஆனால் மற்ற இரவில் ஒன்பதரை மணி வரை அல்லது அதுவரை உங்களை வைத்திருக்கலாம். ஆனால் நீங்கள் என்ன செய்தாலும், ஞாயிறு பள்ளியை மட்டும் தவறவிடாதீர்கள்.
    இப்போது இன்றிரவு என்னுடைய தலைப்பு: தாக்கங்கள் (Influences). 
    5 இந்தக் கதையை நாம் வாசிக்க விரும்புகிறோம்; ஆகையால் நாம் இரண்டாம் நாளாகமம், 26-ம் அதிகாரத்திற்குத் திரும்ப வேண்டும், நீங்கள் அதை வாசிக்கலாம். இந்த உசியா ஒரு மேய்ப்புப் பையன். மேலும் அவர், இரண்டாம் நாளாகமம் 26 நமக்கு சொல்வது போல, பதினாறு வயதில் ராஜாவாக அபிஷேகம் செய்யப்பட்டார். மேலும் உசியாவின் தந்தை, ஒரு தேவபக்தியுள்ள மனிதன். மேலும் இந்த மனிதன் ஒரு நல்ல மனிதன், தேவபக்தியுள்ள பெற்றோர்களைக் கொண்டவராக, "கர்த்தருடைய பார்வையில் நீதியானதைச் செய்தான்." இப்போது நாம் காண்கிறோம், பொதுவாக...
    6 நான்-நான் நினைக்கிறேன், இன்றைக்கு, நாம் சிறார் குற்றச்செயல்கள் என்று நம்பும் இந்த மிகப் பெரிய பிரச்சினை, பெற்றோர் குற்றச்செயலே, வீட்டுக் குற்றச்செயலே. நமது-நமது மக்கள் அவர்கள்-அவர்கள் நிலைத்திருக்க வேண்டிய காரியங்களிலிருந்து விலகி விட்டார்கள். சபை மந்தமாயினது அல்லது குளிர்ந்தது, மேலும்-அந்த-பிள்ளைகள் உலகத்துக்குள் சென்று விட்டார்கள்.
    7 இப்போது ஹாலிவுட் பல திரைப் படங்களையும்-மற்றும் தொலைக் காட்சி களையும், மேலும் பலவற்றையும் வெளியி டுகிறது; அவை தணிக்கையில்லாமலே, அவர்கள் சபிக்கிறார்கள், மேலும்-மேலும்-மேலும் தேவனுடைய நாமத்தை வீணாக உபயோகிக்கிறார்கள். மேலும்-மேலும் அது ஒரு காலத்தில், பரிசுத்த சபைகளில் உள்ள பிள்ளைகள் சினிமாக்களுக்கோ-படக்காட்சி களுக்கோ செல்லுவது தவறாக இருந்தது; இப்போது சாத்தான் ஒரு படி முன்னே சென்று, அதை நேரடியாக வீட்டிற்குள் கொண்டு வந்துவிட்டான், தொலைக்காட்சியின் வடிவத் தில், மேலும் அது தணிக்கையில்லாமல், மேலும்-மேலும் பலவாக. அதுவே சாத்தான் மெதுவாக உள்ளே நுழையும் வழியாகும்.
    8 பழைய பனி சறுக்கு வண்டி (toboggan) சரிவுப் பாதையைப் போல. உங்களில் பலர் அதை நினைவில் வைத்திருக்க மாட்டீர்கள், ஏனெனில் நீங்கள் மிகவும் இளையவர்கள். ஒரு காலத்தில் பிள்ளைகளுக்கான விளையாட்டாக இருந்தது; நீங்கள் உங்கள் பனி சறுக்கு வண்டி (toboggan) மீது உட்கார்ந்து, சுற்றி, சுற்றி நகர்வீர்கள். அங்கே ஒரு துளை, ஒரு வழுக்குப்பாதை இருந்தது; யார் அதற்கு மிக அருகில் செல்ல முடியும் என்று ஒருவர் மற்றவரைத் தைரியம் செய்து சவால் செய்வார்கள். மேலும் சிறிது நேரத்தில், நீங்கள் அறியாமலேயே, [சகோதரர் பிரான்ஹாம் விரலைச் சடக் என்று ஒலிக்கச் செய்கிறார்] கீழே விழுந்துவிடுவீர்கள்.
    9 அப்படித்தான் பாவம். அதுடன் விளையா டாதீர்கள். அதற்கு எவ்வளவு அருகில் செல்ல முடியும் என்று பார்க்காதீர்கள். அதிலிருந்து எவ்வளவு தூரம் விலகி இருக்க முடியும் என்பதைப் பாருங்கள். பாருங்கள்? எந்த ஆபத்தையும் எடுத்துக்கொள்ளாதீர்கள். நீங்கள் ஆபத்தை எடுத்துக்கொள்ளப் போகிறீர்கள் என்றால்... எனக்கு எந்த ஆபத்தும் வேண்டாம்.
    10 ஒரு பழைய ஸ்காட்லாந்து மனிதன் ஒருமுறை, ஒரு மலைக்கடந்து செல்லப் போவதாக இருந்தார் என்று சொல்கிறார்கள். மேலும் வண்டிகள் காத்திருந்தன, ஒவ்வொரு மனிதனும் அவரை அக்கடந்து அழைத்துச் செல்ல விரும்பினார். அவர் சொன்னார், "என்னை அக்கடந்து அழைத்துச் செல்ல சிறந்த வண்டியோட்டுநரை நான் விரும்புகிறேன்."
    11 அவர்களில் ஒருவன், "இந்த மலையைச் சுற்றி இருக்கும் அந்த ஓரத்தின் அருகில், என் ஆறு குதிரைகளை முழு வேகத்தில் ஓட்டிக் கொண்டு போக நான் முடியும் - அந்த ஓரத்திலிருந்து பத்து இஞ்சுக்குள். கீழே விழுந்தால், அது மரணமே. நான் ஒரு திறமையான சாரதி; என் சக்கரங்கள் அந்த ஓரத்திலிருந்து பத்து இஞ்சுக்குள் இருந்தாலும், என் குதிரைகளை பாதுகாப்பாக ஓட்டி, கீழே விழாமல் கொண்டு போக முடியும்" என்றான்.
    12 மற்றொருவன், "அதைவிட நான் மேலா னவன். நான் ஆறு இஞ்சுக்குள், அல்லது நான்கு இஞ்சுக்குள் கூட ஓட்டி, ஒருபோதும் கீழே விழமாட்டேன்" என்றான்.
    அவன், "உங்களைப் பற்றி என்ன, ஐயா?" என்று கேட்டான்.
    13 அதற்கு அவர், "நான் தெரியாது. அதைப் போல் செய்வதை எனக்கு பிடிக்காது. நான் - நான் வெறுமனே கரையோடு ஒட்டி ஓட்டுவேன்" என்றார்.
    அவர், "நீங்களே என்னை அழைத்துச் செல்லுங்கள்" என்றார். அது சரி. அவர்தான் அந்த நபர்.
    14 நீங்கள் எவ்வளவு நெருக்கமாக வர முடியும் என்பதல்ல முக்கியம்; நீங்கள் எவ்வளவு நன்றாக தங்களை பாதுகாத் திருக்கிறீர்கள் என்று நினைப்பதும் அல்ல; நீங்கள் பாவத்திலிருந்து எவ்வளவு தூரம் விலகி இருக்க முடியும் அவ்வளவு தூரம் விலகியே இருங்கள். உங்களால் முடிந்தவரை மிகத் தூரமாக விலகியே இருங்கள். "நான் இதைச் செய்யலாம். இதில் எந்தத் தீங்கும் இல்லை" என்று சொல்லாதீர்கள். உங்கள் மனதில் ஒரு கேள்வி இருந்தால், அதைச் செய்யவே செய்யாதீர்கள். எங்கு கேள்வி இருக்கிறதோ, அங்கிருந்து விலகியே இருங்கள். அப்பொழுது, நீங்கள் முழுமையாக விசுவாசத்தில் வாழ்கிற வர்களாக இருப்பீர்கள்; ஏனென்றால் கேள்வியே இல்லாத நிலை அதுவாகும். கேள்வி இருந்தால், அதை விட்டுவிடுங்கள்; அதைச் சுற்றிப் போகவே கூடாது.
    15 மேலும், பல சமயங்களில் பெற் றோர்களே விலகிச் செல்கிறார்கள் என்று நான் நினைக்கிறேன். சில சமயங்களில் பள்ளிகளும் மற்றவையும் இருக்கின்றன என்பதை நான் அறிவேன். ஞாயிற்றுக்கிழமை காலை அரை மணி நேரம் அல்லது ஒரு மணி நேரம் ஞாயிறு பள்ளி இருக்கும்; ஆனால் வாரத்தின் மீதமுள்ள நேரம் முழுவதும் உலகமே குழந்தைகளை வைத்திருக்கிறது, மேலும் ஒரு ஆசிரியர் செய்யக்கூடியதைவிட அதிகமாக அவர்க ளுக்குள் திணிக்கிறது. மேலும் பல சமயங்களில், அதிகமாகவே, அந்த ஆசிரியர் ஒரு சிறிய காலாண்டுப் புத்தகத்தை வைத்துக்கொண்டு அதிலிருந்து பாடம் கற்பிப்பார்; அதே சமயம் தன் உதடுகளைப் பூசிக்கொண்டு, முடியைச் சரிசெய்துக் கொண்டு, குழந்தைகள் தங்களால் முடிந்த வரை செய்வதற்கு விட்டுவிடுவார்.
    16 வீட்டிலோ அவர்கள் எந்தக் கிறிஸ்தவப் பயிற்சியையும் பெறுவதில்லை. அம்மா எங்கோ சீட்டாட்டக் கூட்டத்திற்கு போயிருக்கிறார்; அப்பா பவுலிங் மைதா னத்தில் இருக்கிறார்; அக்கா யாரோ ஒருவருடன் "ஹாட் ராட்" வண்டியில் சுற்றிக்கொண்டு இருக்கிறார். இதோ நீங்கள் இருக்கிறீர்கள், பாருங்கள். நாம் எங்கே போகிறோம்? நாம் எங்கே போகிறோம்? நீங்கள் சும்மா, அது சும்மா அது... அது மிகவும் பயங்கரமானது. பின்னர் நாம் இவை அனைத்தையும் ஒன்றாகக் காண்கிறோம். ஜூனியர், தன் மோட்டார் சைக்கிளில் தெருவில் மேலும் கீழுமாக ஓடிக் கொண்டிருக்கிறான். மற்றவர்கள் சிலர் கோல்ஃப் விளையாடு கிறார்கள், மற்றவர்கள் பூல் விளையாடு கிறார்கள், இப்படி ஏதோ ஒரு வகையான பொழுதுபோக்கு எங்கும். சபை கைவிடப் பட்டுள்ளது.
    17 பல சமயங்களில், அங்கே ஒரு குழு இருக்கும்; அந்த போதகர் சிறிதளவு எதிர் மறையாகத் தோன்றும் ஏதாவது ஒன்றைத் தொடுவாரானால், அல்லது அதைப்பற்றி ஏதாவது சொன்னால், அந்த குழு அவரை அழைத்து விசாரிக்கும்; அவருடைய பெயர் தலைமையகத்துக்கு அனுப்பப்படும்; அவர் சபையிலிருந்து நீக்கப்படுவார். அதனால், அது ஒரு அபிஷேகிக்கப்பட்ட சுவிசேஷப் பிரசங்கியின் சேவையாக இல்லாமல், ஒரு "உணவு டிக்கெட்" ஆகி விட்டது. அது அவர்கள் விரும்பும் ஒரு விஷயமாகி விட்டது. அது - அது ஒரு உணவு டிக்கெட். நல்ல சம்பளம் பெற அங்கே தங்கவேண்டும். சகோதரனே, அதற்காக தன் பிறப்புரிமையை விற்கும் மனிதனுக்கு தேவன் இரக்கம் காட்டட்டும். கேளுங்கள்!
    18 நாம் சுவிசேஷத்தை கையுறையில்லாத கைகளால் கையாளும் மனிதர்களைத் தேவைப் படுகிறோம்; எந்த சமயக் குழுவின் கையுறையும் இல்லாமல். அது எழுதப் பட்டிருப்பதுபோலவே அதை அப்படியே வெளியே வையுங்கள்; பிறகு விளைவுகள் எப்படியிருந்தாலும் இருக்கட்டும். "செருப்பு பொருந்தினால்," அம்மா சொல்வது போல, "அதை அணிந்துகொள்ளுங்கள்." "உங்கள் மக்காச்சோளத்தை வெட்டித் திருத்தாதீர்கள்" என்றார். ஆகையால், நாம் கவனிக்க வேண்டிய விஷயங்கள் இவைகளே.
    19 இப்போது, இந்த ராஜா உசியா, இப்படிப்பட்ட ஒரு சிறந்த பிள்ளையாக இருந்தான். அவனுக்கு ஒரு தேவபக்தியுள்ள தந்தை இருந்தார். அவன் தாய் எருசலேமிலிருந்து வந்தவள்; அவனுக்கு முன் ராஜாவாக இருந்த தேவபக்தியுள்ள தந்தை இருந்தார்; அந்த வகையான போதனை அந்தப் பையனுக்குள் உருகி ஊறி விட்டது.
    20 நான் ஜனநாயகக் கட்சியினரும் அல்ல, குடியரசுக் கட்சியினரும் அல்ல. நான் ஒரு வாக்கு மட்டும் தான் போட்டேன், அது கிறிஸ்துவுக்காக. மேலும் அவர் - அவர்... அதில்தான் நான் வெற்றி பெறப்போகிறேன்.
    21 இப்போது, நாம் இதுவரை கண்டதி லேயே மிகச்சிறந்த ஜனாதிபதி ஆபிரகாம் லிங்கன் என்று நான் நினைக்கிறேன். அவர் ஒரு கென்டக்கியைச் சேர்ந்தவர் என்பதால் மட்டுமல்ல, அந்த மனிதர் ஒன்றுமில்லாத நிலையில் இருந்து மேலே வந்தார் என்பதால்தான். மேலும், அவர் சிறு பையனாக இருந்த காலம் முதல், அவர் வயது வரும் வரை, அந்த மனிதர் வைத்திருந்த புத்தகங்கள் அனைத்தும் வேதாகமமும் மற்றும் பனியனின் மோட்சப் பயணமும் (Pilgrim's Progress) மட்டுமே. பாருங்கள், அது அவருக்குள் அந்த "நேர்மையான ஏப்"-ஐ (Honest Abe) வார்த்தது. அவர்... நீங்கள் எதை வாசிக்கிறீர்களோ, நீங்கள் எதைச் செய்கிறீர்களோ, அது உங்கள் குணாதிசயத்தை வார்ப்பிக்கிறது. நீங்கள் என்னவாக இருக்கிறீர்கள் என்பதை அது சொல்கிறது. இப்போது, நீங்கள் பார்க்கிறீர்கள், "நீங்கள் தவறு செய்தால், அதற்கான விலையை நீங்கள் கொடுக்க வேண்டும்; நீங்கள் சரியானதைச் செய்தால், தேவன் அதை கனப்படுத்துவார்" என்பதை அவர் வாசித்தார், அது அவரை அவர் இருந்த வண்ணமாக வார்த்தது. மேலும் அவருடைய தாயார், ஒரு தேவபக்தியுள்ள பெண்மணி. "யாருக்காவது ஏதேனும் பெருமை கொடுக்கப்பட்டால், அது அவரைச் சரியாக வளர்த்த ஒரு தேவபக்தியுள்ள தாயாருக்கே" என்று அவர் கூறினார். இப்போது அது, நாம் கண்ட ஜனாதிபதிகளிலேயே மிகச்சிறந்தவர் இல்லை யென்றாலும், குறைந்தது மிகச்சிறந்தவர்களில் ஒருவர் என்று நான் சொல்வேன். அவர் ஒன்றுமில்லாத நிலையில் இருந்து வந்தார், மேலும் அவர் ஒரு நேர்மையான மனிதராகவும் நல்ல மனிதராகவும் இருந்ததால் தேவன் அவரை ஜனாதிபதியாக ஆக்கினார்.
    22 இப்போது, இந்தப் பையனும் அப்படியே இருந்தான் என்று நாம் காண்கிறோம். இந்த தேவபக்தியுள்ள பெற்றோரைப் பெற்றிருந்ததால், அவன் சரியானதைச் செய்தான். அவன் ராஜாவாக் கப்பட்டபோது, அவனுக்குப் பதினாறு வயதாக இருந்தபோது, அவன் அந்தக் காலத்தின் அரசியல் மற்றும் பிரபலமான கருத்துக்கள் எல்லாவற்றையும் புறக்கணித்து, தேவனைப் பயபக்தியுடன் சேவித்தான். அது அவனை ஒரு உண்மையான ராஜாவாக மாற்றியது. அரசியல் மற்றும் நவீன கருத்துக்களைப் புறக்கணித்து, தேவனைப் பயபக்தியுடன் சேவிப்பது, அது மிகவும் நல்லது. அவனுடைய ராஜ்யத்தை தேவன் ஆசீர்வதித்தார், அது சாலொமோ னுடைய ராஜ்யத்திற்கு அடுத்ததாக இருக்கும் அளவுக்கு அவ்வளவு பெரிதாக இருந்தது. சாலொமோன் இருந்ததிலேயே மிகச்சிறந்த ராஜ்யத்தை வைத்திருந்தார்; ஆனால் இந்தப் பையன் அவனுடைய ராஜ்யத்தில் சாலொமோனுக்கு அடுத்ததாக இருந்தான்.
    23 அந்த நேரத்தில் ஒரு இளம் பையனாக இருந்த இளம் தீர்க்கதரிசி ஏசாயாவுக்கு அது ஒரு பெரிய உதவியாக இருந்தது. ஒரு தீர்க்கதரிசியாகப் பிறந்ததால், இந்த மனிதன் மக்கள் மீது கொண்டிருந்த தாக்கத்தை அவன் கவனித்தான்; மேலும் அவனுடைய தாக்கம் எங்கிருந்து வந்தது என்பதைக் கண்டான், ஏனென்றால் அவன் தேவனை ஆணித்தரமாக நம்பினான். மேலும்... தேவனுடைய வார்த்தைக்கு உண்மையாக இருப்பவர்களை தேவன் எப்படி ஆசீர்வதிப்பார் என்பதை ஏசாயா மீண்டும் கவனித்தான்.
    24 இப்போது இந்த இளம் வாலிபன் தேவன் சொன்ன கொள்கைகளுடன் நிலைத்திருக்க விரும்பினான் என்பதை நாம் உணருகிறோம். அவன் அவருடைய கட்டளை களைக் கைக்கொண்டான். உசியா வலதுபுறமோ இடதுபுறமோ திரும்பவில்லை. வார்த்தை என்ன சொன்னதோ அதிலேயே அவன் நிலைத்தி ருந்தான், தேவன் அவனைக் கனப்படுத்தினார், அவன் செய்த எல்லா வற்றிலும் அவனை ஆசீர்வதித்தார், அவன் செழித்தோங்கினான், தொடர்ந்து முன்னே றினான். எந்தவொரு இளம் நபருக்கும் அது எப்பேர்ப்பட்ட ஒரு முன்மாதிரி!
    25 கிறிஸ்தவர்கள் என்று உரிமை பாராட்டுகிற நம்முடைய சபைகள், மக்கள் உலகத்தின் காரியங்களிலிருந்து விலகி அத்தகைய வாழ்க்கையை வாழ்ந்தால், அது இளைய கிறிஸ்தவர்களையும் அவ்வாறு செய்யத் தூண்டும் என்று நான் நினைக்கிறேன். ஆனால், இன்று, அவர்கள் தரம் தாழ்ந்துபோய், குடித்து, புகைபிடித்து, உலகப்பிரகாரமாக நடந்து கொண்டு, ஆனாலும் கிறிஸ்தவம் என்ற தங்கள் அறிக்கையை இன்னும் பற்றிக்கொள்ள முயற்சிக்கும்போது, அது மற்றவர்களின் வழியில் ஒரு மோசமான இடறலை உண்டாக்குகிறது, மேலும் அது காரியத்தை மிகக் கடினமாக்குகிறது.
    26 நினைவில் கொள்ளுங்கள், "நீங்கள் எல்லா மனுஷராலும் வாசிக்கப்படுகிற உயிருள்ள, எழுதப்பட்ட நிருபங்களா யிருக்கிறீர்கள்" என்று வேதாகமம் சொல்லு கிறது. இப்போது, அநேகர் வேதாகமத்தை வாசிக்க மாட்டார்கள், ஆனால் தேவன் உங்களை ஒரு உயிருள்ள பிரதிநிதியாக மாற்றியிருக்கிறார். நீங்கள் ஒரு நடமாடும் கடிதம், உங்களுக்குள் கிறிஸ்து இருக்கிற நடமாடும் வேதாகமமாக இருக்க வேண்டும். நீங்கள் தேவனுடைய நடமாடும் வார்த்தையாக இருக்க வேண்டும். நீங்கள் ஒரு கிறிஸ்தவர் என்று சொல்லிக்கொண்டு, அப்படி இல்லாமல் இருந்தால், உங்கள் தாக்கம், உங்கள்... நீங்கள் எதன்மீது தாக்கத்தை ஏற்படுத்துகிறீர்களோ, அந்த நியாயத்தீர்ப்பு நாளிலே கிறிஸ்துவை விட்டு விலகச்செய்த அநேக ஆத்துமாக்களுக்கு நீங்கள் பதில் சொல்ல வேண்டியிருக்கும்.
    27 இன்றிரவு, அதைக் குறித்துச் சிந்திப்பது நமக்கு அவசியமானது என்று நான் நினைக்கிறேன், ஏனென்றால் ஒவ்வொரு ஆணும், பெண்ணும், சிறுவனும், சிறுமியும் நீங்கள் நியாயத்தீர்ப்புக்கு வருகிறீர்கள் என்பதை அறிவீர்கள். நீங்கள் இதிலிருந்தோ, அதிலி ருந்தோ அல்லது மற்றொன்றிலிருந்தோ தப்பிக்கலாம். நீங்கள் வருமான வரியை ஏமாற்றலாம், உள்நாட்டு வருவாய்த் துறையிலிருந்து தப்பிக்கலாம். நீங்கள் ஒன்று அல்லது மற்றொன்றைச் செய்யலாம். நீங்கள் வேக வரம்பை மீறி ஓட்டியிருக்கலாம், போலீசார் உங்களை ஒருபோதும் பிடிக்காமல் இருக்கலாம். ஆனால், ஒரு நாள், நியாயத்தீர்ப்பு உங்களைப் பிடிக்கும். அது நிச்சயம்!
    28 "அன்றியும், ஒரேதரம் மரிப்பதும், பின்பு நியாயத்தீர்ப்படைவதும் மனுஷருக்கு நியமிக்கப் பட்டிருக்கிறது." மரணம் என்பது கடினமான விஷயம் அல்ல. மரணத்திற்குப் பிந்தைய நியாயத்தீர்ப்புதான் மோசமான பகுதி. அங்கே, வாழ்க்கையில் நீங்கள் என்ன செய்தீர்கள், மற்றவர்களை நீங்கள் எவ்வாறு பாதித்தீர்கள் என்பதற்கு அந்த நாளிலே நீங்கள் பதில் சொல்ல வேண்டியிருக்கும்.
    29 "ஆகையால், மேகம்போன்ற இத்தனை திரளான சாட்சிகள் நம்மைச் சூழ்ந்து கொண்டிருக்க, பாரமான யாவற்றையும், நம்மைச் சுற்றி நெருங்கி நிற்கிற பாவத்தையும் தள்ளிவிட்டு, விசுவாசத்தைத் துவக்குகிறவரும் முடிக்கிறவருமாயிருக்கிற இயேசுவை நோக்கி," கொள்கையையோ, பிரிவினையையோ, வேறொரு நபரையோ நோக்காமல், "நமக்கு நியமித்திருக்கிற ஓட்டத்தில் பொறுமையோடே ஓடக் கடவோம்" என்று நாம் இன்னும் எவ்வளவாய் சிந்திக்க வேண்டும்.
    30 நண்பர்களே, அந்த விஷயங்களை நாம் எவ்வளவு கண்டிப்பாகவும் பயபக்தியுடனும் சிந்திக்க வேண்டும், இந்த நாள் நெருங்கி வருவதை நாம் காண்கிறோம், மேலும் எந்த நேரத்திலும் உங்கள் வாழ்க்கையின் பக்கங்கள், புத்தகம் இன்றிரவு மூடப்படலாம் என்பதையும், அதைச் செய்வதற்கு நாளை உங்களுக்கு மிகவும் தாமதமாகிவிடும் என்பதையும் அறிவோம். இன்றைக்குச் செய்யக்கூடியதை நாளைக்கு என்று ஒத்திப்போடாதீர்கள், ஏனென்றால் நாளை என்பது வராமலே போகலாம். இன்றிரவு இங்கே அமர்ந்திருக்கும் ஆண்களும் பெண் களும், சிறுவர்களும் சிறுமிகளும் விடிவதற்குள் பிணவறையில் இருக்கக்கூடும். இது உண்மை. அப்பொழுது உங்கள் புத்தகம் மூடப் பட்டுவிடும், உங்களுக்கு இன்னொரு வாய்ப்பு கிடைக்காது. நீங்கள் பெறப்போகும் கடைசி வாய்ப்பாக இது இருக்கலாம். அதைத் தீவிரமாகச் சிந்தியுங்கள். நீங்கள் சொல்லலாம், "சரி, அநேகமாக அப்படி இருக்காது." அநேகமாக அப்படி இருக்காது, ஆனால் அப்படி இருக்கக்கூடும். ஆனால், நினைவில் கொள்ளுங்கள், ஒருநாள் புத்தகம் மூடப் படப்போகிறது, மேலும் இப்போது நீங்கள் என்ன செய்துகொண்டிருக்கிறீர்கள் (என்பது முக்கியம்).
    31 குறிப்பாக கிறிஸ்தவர்கள் என்று உரிமை கொண்டாடுகிற மக்களே, உலகத்தின் காரியங்களிலிருந்து உங்களைப் பிரித்துக் கொள்ளுங்கள். உலகத்தோடு எந்தத் தொடர்பும் வைத்துக்கொள்ளாதீர்கள். அதை வெறுத்துத் தள்ளுங்கள், ஏனென்றால் யாரோ ஒரு நபர் உங்களைக் கவனித்துக் கொண்டிருக்கிறார். யாரோ உங்களைக் கவனித்துக் கொண்டி ருக்கிறார். நீங்கள் உங்களை மட்டும் அங்கு அனுப்பப் போவதில்லை, அவர்களையும் அந்த மோசமான இடத்திற்குக் கொண்டு செல்லப் போகிறீர்கள், உங்கள் தாக்கத்திற்கு நீங்கள் பதில் சொல்ல வேண்டியிருக்கும்.
    32 இந்தத் தீர்க்கதரிசி இந்த மனிதனை எப்படிக் கவனித்தார், தேவன் அவனை ஆசீர்வதித்தார் என்பதைக் கண்டார், அது எப்பேர்ப்பட்ட ஒரு தாக்கமாக இருந்தது! அந்த மனிதன் எப்படிச் செழித்தான், தேவன் அவனுக்கு என்ன செய்தார். அவன் அற்புதமான, தேவனால் ஆசீர்வதிக்கப்பட்ட ஒரு வாழ்க் கையை வாழ்ந்தான், அவன் வலதுபுறமோ இடதுபுறமோ திரும்பவில்லை.
    33 இப்போது இங்கே இந்த மனித னிடத்தில், ஒரு காலத்தில் தேவனோடு நடந்த ஒரு பெரிய ராஜாவாகிய இந்த உசியாவிடத்தில் மற்றொரு உதாரணத்தை நாம் காண்கிறோம். வேதாகமம் சொல்லுகிறது, "ராஜா தான் பாதுகாப்பாக இருப்பதாக உணர்ந்தபோது, தான் நன்றாக இருப்பதாக உணர்ந்தபோது, அவனு டைய இதயம் மேட்டிமையடைந்து, பெருமை கொண்டது."
    34 இதைச் சொல்வதற்காக இங்கே நான் நிறுத்திக்கொள்கிறேன், பயபக்தியுடன், என் சகோதரனே, சகோதரியே. இன்றிரவு தேவன் உங்களை என் பார்வையாளர்களாக ஆக்கியி ருக்கிறார். நான் சொல்வதில் நான் மிகவும் தீவிரமாக இருக்க வேண்டும், நீங்களும் மிகுந்த தீவிரத்துடன் கேட்க வேண்டும்.
    35 இன்று அநேக மக்களிடம் உள்ள பிரச்சனை அதுதான். அவர்கள் நினைக் கிறார்கள்... நம்முடைய ஊழியக்கார சகோதரர் களில் சிலர் இருக்கிறார்கள், அவர்களில் சிலர் ஒரு இடத்திற்கு வரலாம், ஒருவேளை, பெரிய ஊழியங்கள், அவர்கள் பாதுகாப்பாக உணரும் வரை. இது இருப்பதை, இது உண்மை என்று நாங்கள் அறிந்திருக்கிறோம். தேசத்தில் உள்ள அநேக ஊழியர்கள் இன்று குடிக்கத் துவங்கி யிருக்கிறார்கள். அவர்களில் சிலர் நினைக் கிறார்கள், "சரி, என்னைச் சுற்றி நான் என் சிறிய ராஜ்யத்தைக் கட்டியிருக்கிறேன். எனக்கு எந்தக் காரணமும் இல்லை... அந்த மக்கள் என்னை மிகவும் நேசிக்கிறார்கள், நான் இதைச் செய்தாலும் அல்லது அதைச் செய்தாலும் அவர்கள் ஒருபோதும் அதைப் பொருட்படுத்த மாட்டார்கள்." சகோதரனே, நான் உங்களுக்குச் சொல்லுகிறேன், ஒருவர் பார்த்துக் கொண்டி ருக்கிறார், அவர்தான் தேவன். தேவனுக்கு வெளியே எந்த மனிதனும் பாதுகாப்பானவன் அல்ல.
    36 சில சமயங்களில் நாம் ஒரு இடத்திற்கு வருகிறோம், "தேவன் நம்மை ஆசீர்வதிக்கிறார். அவர் எனக்கு ஒரு காடிலாக் காரைக் கொடுத்தார். அவர் எனக்கு ஒரு சிறந்த வேலையைக் கொடுத்தார். அவர் எனக்கு இதைத் கொடுத்தார்" என்று நாம் நினைக்கிறோம். அவருடைய ஆசீர்வாதங்களை உங்களுக்கு விரோதமாகத் திருப்ப முடியாது என்பதற்கு அது எந்த அடையாளமும் அல்ல.
    37 நீங்கள் மேட்டிமையடைந்து, "சரி, நான் ஒரு காலத்தில் இரவு முழுவதும் விழித்திருந்து ஜெபித்தேன், நான் ஒரு காலத்தில் இதைச் செய்தேன், அதைச் செய்தேன், ஆனால் இனி நான் அதைச் செய்வதில்லை" என்று உணரும் போது, நீங்கள் ஆபத்தான நிலையில் இருக்கிறீர்கள்.
    38 அதுதான் நம்முடைய பெந்தெ கோஸ்தே மக்களிடம் உள்ள பிரச்சனை. ஒரு காலத்தில், வெகு காலத்திற்கு முன்பு, எங்கேயோ மூலையில் நமக்குச் சிறிய ஜெபவீடுகள் இருந்தபோது, பெண்கள் காலுறை (stockings) அணியாமல் அங்கே தம்புரு வாசித்துக்கொண்டு, இரவு முழுவதும் ஜெபிக்க வேண்டியிருந்தது, மற்றும் எல்லாமே; போலீசார் உங்களைப் பூட்டி வைத்தார்கள், சிறையில் இருந்தீர்கள், மற்றும் பல. நீங்கள் ஜெபித்தீர்கள். சபைகள், எல்லாப் பிரிவினைகளும், உங்களைப் பார்த்துச் சிரித்து, கேலி செய்தன. ஆனால் இப்போது தேவன் உங்களை உயர்த்தி யிருக்கிறார், தேசத்திலுள்ள சிறந்த சபைகளில் சிலவற்றை நீங்கள் பெற்றிருக்கிறீர்கள், ஒரு பெரிய வல்லமையான பிரிவினைகள், நீங்கள் பாதுகாப்பாக உணரத் துவங்குகிறீர்கள். கவனமாயிருங்கள், அப்போது தான் நீங்கள் மேட்டிமையடைகிறீர்கள். பின்னர், தேவன் எதையாவது அனுப்பும்போது, உங்களால் அதை ஏற்றுக்கொள்ள முடிவதில்லை, இனிமேலும், ஏனென்றால் நீங்கள் ஏற்கனவே இந்தக் காரியத்திற்குச் சாட்சி கொடுத்தி ருக்கிறீர்கள். அப்போது நீங்கள் பாதுகாப்பாக உணருகிறீர்கள், அந்த நேரத்தில்தான் நீங்கள் உங்கள் வீழ்ச்சிக்கான பாதையில் இருக்கி றீர்கள். அது பிரிவினைகளுக்குரியது. அது தேசங்களுக்குரியது.
    39 உலகத்தின் சிறந்த ஒழுக்கநெறி உள்ள நாடுகளில் ஒன்றாக இருந்த நம்முடைய தேசத்தைப் பாருங்கள். இன்று அதைப் பாருங்கள், அது உலகத்தின் கேலிப் பொருளாக, எனக்குத் தெரிந்த எதையும் விட மிக அசுத்தமானதாக இருக்கிறது.
    40 நான் விமானத்தை விட்டு இறங்கி, ரோமுக்கு வந்து, சாண்ட் ஏஞ்சலோவுக்கு, கல்லறைக்குச் (catacomb) செல்ல மேலே சென்ற போது, சாண்ட் ஏஞ்சலோ கல்லறையில் வைக்கப்பட்டிருந்த ஒரு பலகையைப் பார்த்த போது நான் சங்கடப்பட்டேன், அதில், "அமெரிக்கப் பெண்கள் அனைவருக்கும் ஒரு வார்த்தை: தயவுசெய்து கல்லறைக்குள் நுழைவதற்கு முன், இறந்தவர்களைக் கனப் படுத்தும் விதமாக ஆடைகளை அணிந்து கொள்ளுங்கள்" என்று சொல்லியிருந்தது. ரோம் போன்ற ஒரு இடத்தில் அரைக் காற்சட்டை (shorts) அணிந்துகொண்டும், முழுக்கால் சட்டை (trousers) அணிந்து கொண்டும் உள்ளே வருகிறார்கள்; பின்னர், "அமெரிக்கப் பெண் களுக்கு: இறந்தவர்களைக் கனப்படுத்தும் விதமாக, ஆடைகளை அணிந்துகொள்ளுங்கள்" என்று சொல்ல வேண்டியிருந்தது. ஏனப்பா, அது நாசியில் ஒரு துர்நாற்றமாக மாறியி ருக்கிறது! நம்முடைய வெளிநாட்டுப் பணம், மற்றும் குத்தகை கடன்கள், மற்றும் அது போன்ற அனைத்தும் ஒருபோதும் நட்பை விலைக்கு வாங்காது.
    41 இந்தத் தேசத்தில் நமக்குத் தேவை யாயிருப்பது, அது நமக்கு ஒருபோதும் கிடைக்காது, ஆனால் நமக்குத் தேவை யாயிருப்பது ஒரு வீட்டைச் சுத்தம் செய்யும் நேரம்; ஒரு அரசியல் ரீதியான வீட்டைச் சுத்தம் செய்தல் அல்ல, ஆனால் அதை உச்சி முதல் உள்ளங்கால் வரை பெருக்கிச் சுத்தம் செய்கிற பரிசுத்த ஆவியால் அனுப்பப்பட்ட ஒரு எழுப்புதல். அதுதான் நம்முடைய சபைகளுக்குத் தேவை. அதுதான் நம்முடைய மக்களுக்குத் தேவை. தனிநபர்களாக, நமக்குத் தேவைப் படுவது அதுதான். நம்முடைய தாக்கம்... நாம் மேட்டிமையடைந்து, "நான் பெந்தெகோஸ் தேகாரன். நான் அந்நிய பாஷைகளில் பேசினேன். நான் சத்தமிட்டேன். நான் ஆவியில் நடனமாடினேன்" என்று சொல்லும் போது. நீங்கள் அதைச் செய்திருக்கலாம், ஆனால் நான் உங்களுக்கு ஒன்றைச் சொல்லுகிறேன் சகோதரனே, அது உங்களுக்கு எந்தப் பாதுகாப்பும் அல்ல, சிறிதளவும் அல்ல.
    42 உசியா தன் இருதயத்தில் மேட்டிமை யடைந்தபோது, தேவன் அவனை அடித்தார் என்பதை நாம் கண்டறிகிறோம். அவன் என்ன செய்தான்? அவன் ஒரு ஊழியரின் இடத்தைப் பிடிக்க மிகவும் முயற்சித்தான். தான் மேட்டிமையடைந்திருப்பதாலும், தேவன் தன்னை ஆசீர்வதித்திருப்பதாலும், தன்னை ஒரு பெரிய மனிதனாக் கியிருப்பதாலும், தான் விரும்பும் எதையும் செய்ய முடியும் என்று அவன் நினைத்தான்.
    43 வெகு காலத்திற்கு முன்பு அல்ல, ஒரு வாலிபன் என்னிடம் சொல்வதை நான் கேட்டேன், அவன் சொன்னான், "உங்களுக்குத் தெரியும், தேவன் என்னை அவ்வளவாய் நேசிக்கிறார், சகோதரன் பிரான்ஹாம், நான் விரும்பும் எதையும் செய்ய அவர் என்னை அனுமதிக்கிறார். அவர் கவலைப்படுவதில்லை."
    44 தேவன் ஒரு நல்ல தேவன் என்பதைப் பற்றி இன்று நான் மிக அதிகமாகக் கேட்கிறேன். அவர் அப்படித்தான் இருக்கிறார். நான் அதை மறுக்கவில்லை. அவர் ஒரு நல்ல தேவன். ஆனால் அவர் கோபத்தின் தேவனாகவும் இருக்கிறார். அவருடைய பரிசுத்தம் நீதியைக் கோருகிறது. அவருடைய பிரமாணம் நியாயத்தீர்ப்பைக் கோருகிறது. பிரமாணத்திற்கு நியாயத்தீர்ப்பு இல்லை யென்றால், பிரமாணம் பயனற்றதாகி விடும். அதற்குப் பின்னால் ஒரு தண்டனை இல்லாமல், "இங்கே கீழே உள்ள இந்தச் சிவப்பு விளக்கை மீறி ஓட்டுவது சட்டத்திற்குப் புறம்பானது" என்று சொல்வதில் என்ன பயன்? பாருங்கள், அது ஒரு சட்டமாக இருக்காது. அவர்களால் அதைக் குறித்து ஒன்றும் செய்ய முடியாது; அங்கே தண்டனை இல்லை. தேவனுடைய பிரமாணங்களை மீறுவதற்கு ஒரு தண்டனை இருக்கிறது, மேலும், அது இருக்கும், நீங்கள் வெளியே கொண்டுவரப்படுவதற்கு முன்பாக, கடைசித் துட்டு வரை நீங்கள் செலுத்த வேண்டியிருக்கும்.
    45 இப்போது இந்த மனிதன் செய்தது போலவே இன்று அநேக மனிதர்கள் அந்த வருந்தத்தக்க தவறைச் செய்கிறார்கள், அவன் உயர்த்தப்பட்டபோது, பெரியவனானபோது, எல்லாவற்றையும் தன் சொந்த கைகளில் வைத்திருக்கும் நிலையை அடைந்தபோது, அவன் பாதுகாப்பாக உணர்ந்தான், "தேவன் என்னை அவ்வளவாய் நேசிக்கிறார், இனி எதுவும் என்னைத் தொந்தரவு செய்ய முடியாது." அவன் அதைச் செய்தபோது, நேபுகாத்நேச்சார் ஒருமுறை செய்தது போலவே தன்னையும் அதே நிலைக்குத் தள்ளிக்கொண்டான், நீங்கள் வேதாகம வாசகர்கள் அறிந்திருக்கிறபடியே. பின்னர் அவன் ஒரு ஊழியரின் இடத்தைப் பிடிக்க முயன்றதால் குஷ்டரோகத்தால் அடிக்கப் பட்டான் என்பதை நாம் கண்டறிகிறோம்.
    46 வெகு காலத்திற்கு முன்பு அல்ல, நான் முழு சுவிசேஷ வர்த்தகர்களுக்காக (Full Gospel Business Men) சர்வதேச அளவில் பேசினேன், சிறிது காலத்திற்கு முன்பு, நான் ஓரிடத்தில் அமர்ந்திருந்தேன், அது ஜமைக்காவில் இருந்தது, நாங்கள் ஒரு கூட்டம் நடத்திக் கொண்டி ருந்தோம்.
    47 நான் அவர்களை நேசிக்கிறேன், ஏனென்றால் அது எல்லாச் சபைகளிலிருந்தும் வந்த மக்கள். அது எனக்குப் பேசுவதற்கு ஒரு வாய்ப்பைக் கொடுக்கிறது. சில நேரங்களில் சபைகள் ஒத்துழைக்க மாட்டார்கள், ஆனால் அவர்களுடைய வர்த்தகர்கள் ஒத்துழைக் கிறார்கள், வர்த்தகர்களுக்காக அவர்கள் தங்கள் முகத்தை ஒருவாறு வைத்துக்கொள்ள வேண்டியிருக்கும்.
    48 எனவே இப்போது நாம் கண்டறி கிறோம், அங்கே, நான் ஒரு கூட்டம் நடத்திக் கொண்டிருந்தேன். அன்று இரவு நாங்கள் ஃபிளமிங்கோ மோட்டலுக்குத் திரும்பி வந்தபோது, நான் சொன்னேன், "உங்களைக் குறித்து நான் வெட்கப் படுகிறேன்." நான் சொன்னேன், "அது ஒரு அவமானம். அரசியல் தலைவர்கள் மற்றும் காரியங்கள் முன்பாகவும், இங்கே உள்ள வர்த்தகர்கள் முன்பாகவும் நீங்கள் பேசியதெல்லாம், 'எனக்கு இங்கே கீழே ஒரு சிறிய வியாபாரம் இருந்தது, இப்போது என்னிடம் பதினாறு காடிலாக்குகள் உள்ளன,' அல்லது அது போன்ற எதையாவது பற்றித்தான் இருந்தது." நான் சொன்னேன், "அந்த மனிதர்கள், அவர்களோடு நீங்கள் ஒப்பிட முடியாது."
    49 அதுதான் இன்று சபையினிடத்தில் உள்ள பிரச்சனை, நீங்கள் ஹாலிவுட்டுடன் ஒப்பிட முயற்சிக்கிறீர்கள். நீங்கள் அதை ஹாலி வுட்டைப் போல மாற்ற முயற்சிக் கிறீர்கள். நினைவில் கொள்ளுங்கள், ஹாலிவுட் கண்கூசச் செய்கிறது; சுவிசேஷம் ஒளிர்கிறது. நீங்கள் அவர்களுடைய இடத்திற்குப் போக முடியாது; நீங்கள் அவர்களை நம்முடைய இடத்திற்குக் கொண்டுவர வேண்டும். அங்கேதான் நாம் அவர்களைப் பெற வேண்டும். அவர்களை இங்கே கொண்டுவர வேண்டும், நாம் வெளியே அங்கே போவதல்ல. நம்மால் ஒருபோதும் அவர்களுடன் ஒப்பிட முடியாது. நாம் அதை விரும்புவதில்லை. அவர்கள் மின்னுகிறார்கள் மற்றும் மினுமினுக்கிறார்கள்; சுவிசேஷம் சாந்தத்துடனும் மனத்தாழ்மையுடனும் ஒளிர் கிறது. அதுதான் ஒரு ஒளிர்வுக்கும் ஒரு கண் கூசும் பிரகாசத்திற்கும் உள்ள வித்தியாசம்.
    50 இப்போது நாம் கண்டறிகிறோம், நான் இந்த மனிதர்களிடம் சொன்னேன், நான் சொன்னேன், "விஷயம் என்னவென்றால், வெறும் வர்த்தகர்களாக இருக்கிற நீங்கள், சுவிசேஷத்தைப் பிரசங்கிக்க முயற்சிக்கிறீர்கள். அதைச் செய்வதற்கு உங்களுக்கு எந்த வேலையும் இல்லை. நாங்கள் பிரசங்கிமார் அதைச் சமமாக வைத்துக்கொள்வதற்கே மிகவும் சிரமப்படுகிறோம். மேலும் நீங்கள் அதைச் செய்யக்கூடாது. நீங்கள் தவறான இடத்தைப் பிடிக்க முயற்சிக்கிறீர்கள். நீங்கள் வர்த்தகர்கள், ஆனால் சுவிசேஷத்தின் இடத்தைப் பிடிக்க முயற்சிக்காதீர்கள்."
    51 மேலும் நான்-நான் சொன்னேன், "விஷயம் என்னவென்றால், இன்று, உங்களிடம் எவ்வளவு இருக்கிறது என்பதைச் சொல்ல நீங்கள் முயற்சிக்கிறீர்கள். ஆரம்ப கால பெந்தெகோஸ்தேகாரர்களிடமிருந்து இது எப் பேர்ப்பட்ட வித்தியாசம்! ஆரம்ப கால பெந்தெ கோஸ்தேகாரர்கள் தங்களிடமிருந்ததை அகற்றி விட்டார்கள்."
    52 அங்கே இருந்த ஒரு சிறிய பாடகர், ஒரு சிறந்த சிறிய மனிதராக இருந்தார். நான் அவரை நேசிக்கிறேன். அவர் ஒரு நல்ல மனிதர், ஆனால் அவர் சொன்னார், "சகோதரன் பிரான்ஹாம், நான் ஒருபோதும் உங்கள் வார்த்தையை மறுக்கவோ அல்லது அதற்கு விரோதமாக எதையும் சொல்லவோ விரும்பு வதில்லை."
    53 நான் சொன்னேன், "அது பரவாயில்லை. அது கர்த்தருடைய வார்த்தையாக இல்லா விட்டால், அப்பொழுது உங்களுக்கு உரிமை இருக்கிறது, சகோதரனே." மேலும் அவர் சொன்னார், "அந்த ஒரு முறை நீங்கள் தவறாக இருக்கிறீர்கள்."
    54 நான் சொன்னேன், "ஓ, இல்லை. இல்லை, இல்லை." நான் சொன்னேன், "ஆரம்ப கால பெந்தெகோஸ்தேகாரர்கள் தங்களிடமிருந்த எல்லாவற்றையும் விற்று, அதை மிஷன்களில் (ஊழியங்களில்) போட்டார்கள், மேலும்-மேலும் வெளியே சென்றார்கள்."
    55 மேலும் அங்கே ஒரு பிரசங்கியார், அவர் சொன்னார், "அதுதான் அவர்கள் செய்ததிலேயே மிகவும் மோசமான காரியம்." நான் சொன்னேன், "என்ன? பரிசுத்த ஆவியானவர் ஒரு தவறு செய்தாரா?"
    56 அவர் சொன்னார், "நான் அதைச் சொல்லவில்லை; ஆனால் அவர்கள் செய்ததி லேயே அது மிகவும் மோசமான காரியம்." அவர் சொன்னார், "பின்னர் சபையில் பிரச்சனை வந்தபோது, அவர்கள் போவதற்கு வீடுகள் இல்லை."
    57 நான் சொன்னேன், "சரியாக அந்தக் காரணத்திற்காகத்தான் தேவன் அவர்களுடைய வீடுகளை விற்கச் செய்தார், பின்னர் அவர்கள் எல்லா இடங்களுக்கும் சென்று, தேசம் முழுவதும் செய்தியைத் தூவினார்கள். அவர்கள் போவதற்கு வேறு இடம் இருக்கவில்லை." தேவன் என்ன செய்கிறார் என்பதை அவர் அறிந்திருக்கிறார், வியாபாரத்தை அவரை நடத்த அனுமதியுங்கள்.
    58 இந்த மனிதன் ஒரு தூபகலசத்தை எடுத்தான் என்பதை நாம் கண்டறிகிறோம், அசைவாட்டும்படி, ஒரு-ஒரு தூபகலசத்தில், தூபங் காட்டத் தொடங்கினான். அது அவனுடைய வேலை அல்ல. அவன் ராஜா, ஆசாரியனாய் இருப்பதற்கு அல்ல. மேலும் ஆசாரியன் அவனுக்குப் பின்னால் ஓடி, அவனிடம் சொன்னான், சொன்னதாவது, "நீர் இதைச் செய்யக்கூடாது. அதைச் செய்வது ஒரு லேவியருக்கு மட்டுமே உரியது, நீர் ஒரு லேவியர் அல்ல. அதற்கு ஒரு அர்ப் பணிக்கப்பட்ட மனிதன் தேவை, நீர் கர்த்தருக்கு அர்ப்பணிக்கப்படவில்லை. நீர் ஒரு ராஜா. தேவன் உம்மை ஆசீர்வதிக்கிறார். அது நல்லது. ஆனால் அதைச் செய்வதற்கு நீர் அர்ப் பணிக்கப்படவில்லை."
    59 அழைப்பிற்கு அர்ப்பணிக்கப்படாத போது, வரங்கள் போலியாகச் செய்யப் படுவதை நாம் எத்தனையோ முறை பார்த்திருக்கிறோம். மேலும் நாம் இதை யெல்லாம் பார்த்திருக்கிறோம். அது அப்பொ ழுது இருந்தபடியே இன்றும் நாம் அதைப் பார்க்கிறோம், பரிசுத்த ஆவியைப் பெற்ற ஒரு நபரைப் போலப் பாவனை செய்ய யாராவது முயற்சிப்பதைப் பார்க்கிறோம்; அவர்களைப் போலவே சத்தமிடுவது, அவர்களைப் போலவே அந்நிய பாஷைகளில் பேசுவது, இன்னும் அவர்களுக்கு, எகிப்திய இரவைக் குறித்து ஒரு ஹாட்டென்டாட் (Hottentot) அறிவதை விட தேவனைப் பற்றி அதிகம் தெரிந்திராது. அது சரி, வெறும் பாவனை, அது போல நடிப்பது, ஏதோ ஒன்றை அணிந்துகொள்வது.
    60 ஆனால் நான் உங்களுக்குச் சொல்லு கிறேன், அதைப் பார்த்துக் கொண்டி ருக்கிற நீங்கள், நினைவில் கொள்ளுங்கள், யாராவது அதைப் போலச் செய்வதை நீங்கள் எங்கே காண்கிறீர்களோ, அங்கே எங்கேயோ ஒரு உண்மையான ஒன்று இருக்கிறது. நான் ஒரு டாலரைக் கண்டெடுத்து, அது ஒரு போலியாக இருந்தால், அது ஒரு உண்மையானதிலிருந்து செய்யப்பட்டது என்பதற்கு அது ஒரு அடையாளம் மட்டுமே.
    61 ஆனால் இந்த மனிதன், உசியா, இந்த ஆசாரியரின் இடத்தைப் பிடிக்க முயற்சிப்பதை நாம் காண்கிறோம். அவர்கள் அவனுக்குப் பின்னால் ஓடி, அவனிடம் சொன்னபோது, அவன் கோபமடைந்தான். அவன் திரும்பி, "நான் செய்ய விரும்புவதை நான் செய்வேன். நான் என்ன செய்ய வேண்டும் என்று எனக்குச் சொல்ல நீங்கள் யார்? நான் என்ன செய்ய வேண்டும் என்று நீங்கள் எனக்குச் சொல்கிறீர்களா? நான் ராஜா, நான் விரும்பிய படியே செய்வேன்!" என்று அவர்களுக்குத் தெரியப்படுத்தினான். மேலும் தேவன் அங்கேயே அவனை குஷ்டரோகத்தால் அடித்தார். அவன் ஒரு குஷ்டரோகியாக மரித்தான். அவனுடைய கோபத்தில், அவனு டைய கோபம் மூண்டிருந்தபோது, அவன் குஷ்டரோகத்தால் அடிக்கப்பட்டான்.
    62 அது இளம் தீர்க்கதரிசிக்கு நிச்சயமாகவே ஒரு பாடமாக இருந்தது. இந்த மனிதன் மேலே வருவதையும், அவனுடைய Ph.D., அவனு டைய LL.D., மற்றும் அதுபோன்றவற்றைப் பெறுவதையும், பின்னர் தனக்குச் சொந்தமில்லாத ஒரு இடத்தைப் பிடிக்க முயற்சிப்பதையும் அவன் கவனித்த பிறகு. அவன் அதைக் கண்டறிந்து, அதைக் குறித்துக் கோபமடைந்தான். கர்த்தர் சொல்லுகிறது என்னவென்று யாராவது அவனிடம் சொல்ல முயன்றபோது, அவன் அதை அங்கீகரிக்கத் தவறினான். மேலும் தேவன் அவனை குஷ்டரோகத்தால் அடித்தார், அது பாவத்திற்கு ஒரு நிழலாட்டமாக இருக்கிறது. சரி, இதன் மூலம், தேவன் தம்முடைய மனிதனை அவனவனுடைய இடத்திற்கு ஒழுங்கு படுத்துகிறார் என்பதை ஏசாயா கற்றுக் கொண்டான். தேவன் தான் ஒழுங்கு படுத்துகிறார். சில சமயங்களில் நாம் ஒரு மனிதனை எடுத்து அவனுக்கு இதைச் செய்ய முடியாது.
    63 இங்கே வெகு காலத்திற்கு முன்பு அல்ல, ஒரு இளம் பெண், அவள் என்னிடம் சொன்னாள் அவள்... அல்லது அவளுக்கு ஒரு சிறு பையன் இருந்தான் அவள் போகிற... சொன்னாள், "அவனுக்கு ஓர் அழைப்பு இருப்பதாக அவன் உணர்ந்தான்." அவளுக்குச் சுமார் முப்பத்தைந்து வயது இருக்கும் என்று நான் ஊகிக்கிறேன். அவள் சொன்னாள், "சுமார் பதினான்கு வயதான என் மகன், தனக்கு ஓர் அழைப்பு இருப்பதாக அவன் உணருகிறான். சகோதரன் பிரான்ஹாம், நீங்கள் அவனை அனுப்பி அவனுடைய Ph.D., அல்லது அதுபோன்ற வேறேதாவது ஒன்றைப் பெறும்படி, அவனை ஏதாவது ஒரு கல்லூரிக்கு அனுப்புவீர்களா? நீங்கள் என்ன ஆலோசனை கூறுவீர்கள்?"
    64 நான் சொன்னேன், "எனக்குத் தெரிந்த வற்றிலேயே சிறந்தது முழங்கால்-இயல் (kneeing-ology) கல்லூரிதான், அவனுடைய முழங்கால்களில் நிற்பது." நான் சொன்னேன், "அவன் அங்கே அதற்கு நடுவில் வெளியே செல்வான், முதல் காரியம் உங்களுக்குத் தெரியும், அது கணக்கு-...கணிதம் மற்றும் இதைப் பற்றிய அனைத்தும், அதைப் பற்றிய அனைத்தும் கற்கத் துவங்கும், மேலும் அவர்கள் அவனுக்கு ஒரு மனப் பரிசோதனையையும் ஒரு IQ சோதனையையும், இது போன்ற அனைத் தையும் கொடுப்பார்கள். 
    பின்னர் அவனுக்குள் எப்போதாகிலும் இருந்த தேவனை, வெளியே எடுத்துப் போடுவார்கள்," என்று நான் சொன்னேன். அந்தக் காரியங்களை மட்டம்தட்டுவது அல்ல, ஆனால் அவர்கள் கோட்டிலிருந்து எவ்வளவு தூரம் விலகிச் செல்கிறார்கள் என்பதை நான் உங்களுக்குக் காட்டுகிறேன்.
    65 என்ன நடந்தது என்று கவனித்துப் பாருங்கள். இப்போது, தேவன் தம்முடைய மனிதனை அவனவனுடைய இடத்திற்கு ஒழுங்குபடுத்துகிறார்.
    66 வெகு காலத்திற்கு முன்பு அல்ல, நான் ஒரு சிறிய கதையை வாசித்துக் கொண்டி ருந்தேன், அங்கே ஒரு-ஒரு பெண்... ஒரு-ஒரு வியாதி, ஒரு-ஒரு-ஒரு-ஒரு நிமோனியா காய்ச்சல் கொண்டிருந்தாள், மிசௌரி, செயின்ட் லூயிஸில். அவள் மிகவும், மிகவும் வியாதிப் பட்டிருந்தாள், அவள் சாகப்போகிறாள் என்று அவர்கள் சொன்னார்கள். அவளுக்குக் கல்லூரியில் ஒரு மகன் இருந்தான். எனவே அந்த மருத்துவர், அவள் இன்னும் எவ்வளவு காலம் உயிர்வாழ்வாள் என்று அவர் நினைத்தார் என்பதைக் கண்டறிய வந்தார். அவர் சொன்னார், "அநேகமாக அவள் இன்னும் ஒரு நாள் அல்லது இரண்டு நாட்களுக்கு மேல் இங்கே இருக்கமாட்டாள்."
    67 எனவே அவர்கள் அந்த இளம் மகனுக்குத் தந்தி கொடுத்தார்கள், "வீட்டிற்கு வருவது நல்லது," அவனுடைய தாய் ஆபத்தான நிலையில் வியாதிப் பட்டிருக்கிறாள். எனவே அந்த இளம் மகன், தந்தியைப் பெற்றுக் கொண்டு, போகத் தயாராகிக்கொண்டிருந்தான், அவனுக்கு மற்றொரு தந்தி கிடைத்தது, "உன் தாய் இப்போது தேறிவிட்டாள், நலமாக இருக்கிறாள். வரவேண்டாம்."
    68 சரி, பின்னர் சுமார் ஒரு வருடம் கழித்து, ஏன், அந்தப் பையன் வீட்டிற்குத் தன் வருடாந்திர வருகையை மேற் கொண்டான். அவன் வீட்டிற்கு வந்தபோது, "அம்மா!" என்றான். அவன் அவளை வாழ்த்திய பிறகு, அவன் சொன்னான், "உங்களுக்குத் தெரியும், நீங்கள் அவ்வளவு வியாதிப்பட்டிருந்தபோது, உண்மையில் என்ன நடந்தது என்று நீங்கள் ஒருபோதும் என்னிடம் சொல்லவே இல்லை என்று நான் யோசித்துக்கொண்டிருந்தேன்."
    69 அவள் சொன்னாள், "ஓ, மகனே, நான் உன்னிடம் சொல்ல வேண்டிய ஒன்று இருக்கிறது." அவள் சொன்னாள், "இங்கே தெருவில் கீழே அந்தச் சிறிய மிஷன் (சபை) உனக்குத் தெரியும் தானே, இங்கே கீழே அந்த மக்கள் அப்படிச் சத்தமிட்டு, அழுது, காரியங்களைச் செய்வார்களே?" சொன்னான், "ஆம்."
    70 சொன்னாள், "அவர்களுடைய போதகர் வியாதிப்பட்டவர்களுக்காக ஜெபிப்பதை விசுவாசிக்கிறார்." சொன்னாள், "அந்தப் பெண்களில் ஒருவர் இங்கே மேலே வந்து என்னிடம் சொன்னார்." சொன்னாள், "நான் இருப்பதற்கு இன்னும் ஓரிரு நாட்கள் மட்டுமே உள்ளது என்று மருத்துவர் என்னிடம் கூறினார்." மேலும் சொன்னாள், "பின்னர் அவர்கள் ஆள் அனுப்பி, இந்தப் போதகரை வரவழைத்து எனக்காக ஜெபிக்கச் செய்ய விரும்பினார்கள், அந்தப் பெண் அதைச் செய்தாள், நான் சொன்னேன், 'சரி, நிச்சயமாக, அவரை மேலே வரச் சொல்லுங்கள்.'" சொன்னாள், "உனக்குத் தெரியும், அவர் மேலே வந்தார்," மேலும் சொன்னாள், "அவர் அங்கே வேதாகமத் திலிருந்தே ஒரு வேதவசனத்தை வாசித்தார்." மேலும் சொன்னாள், "அவர் வந்து என்மீது கைகளை வைத்து, எனக்காக ஜெபித்தார். மேலும், உனக்குத் தெரியும், காய்ச்சல் என்னை விட்டு நீங்கியது, நான் சுகமானேன்." மேலும் அவள் சொன்னாள், "ஓ, தேவனுக்கு ஸ்தோத்திரம்!" அவன் சொன்னான், "அம்மா, அம்மா, இப்போது உங்களுக்கு அதைவிட நன்றாகத் தெரியுமே!"
    71 சொன்னாள், "ஓ, ஓ, இல்லை, இல்லை, கண்ணே," சொன்னாள், "அது உண்மையில் நடந்தது." அவள் சொன்னாள், "தேவனுக்கு மகிமை! நான் உனக்குச் சொல்லுகிறேன்," என்று அவள் சொன்னாள்.
    72 அவன் சொன்னான், "இப்போது நீங்கள் உண்மையில் அந்த மக்களைப் போலவே நடந்துகொள்கிறீர்கள்." சொன் னான், "நீங்கள் அப்படிச் செய்யக்கூடாது, அம்மா."
    73 சொன்னாள், "ஆனால்," சொன்னாள், "கண்ணே, அவர் அதை வேதாகமத்திலிருந்தே வாசித்தார். அவர் அங்கே வாசித்தார், மாற்கு 16-ம் அதிகாரம், 'விசுவாசிக்கிறவர்களிடத்தில் இந்த அடையாளங்கள் நடக்கும்.' இதோ இது இங்கே இருக்கிறது." சொன்னாள், "நாம், நாம்... இது இதோ இங்கே இருக்கிறது," என்று அவள் சொன்னாள்.
    74 "ஓ, அம்மா, அங்கே கீழே இருப்பவர்கள் படிப்பறிவில்லாத வகையினர்கள்." சொன்னான், "அங்கே கீழே இருக்கும் அந்த மக்களுக்கு எந்தக் கல்வியறிவும் இல்லை." சொன்னான், "அவர்கள் வெறும் ஏழை மக்கள், தெருக்களிலிருந்து வரும் குப்பைகளைப் போன்றவர்கள், மற்றும் அதுபோன்றவர்கள், அங்கே ஓடுகிறார்கள்." சொன்னான், "அந்தப் போதகர்..." சொன்னான், "மாற்கு 16, 9-ம் வசனத்திலிருந்து தொடர்ந்து வருவது தேவ ஆவியால் ஏவப்பட்டதல்ல என்று நாங்கள் கல்லூரியில் கற்கிறோம்." அவள் சொன்னாள், "தேவனுக்கு மகிமை!" அவன் சொன்னான், "அம்மா, உங்களுக்கு என்ன ஆயிற்று?"
    75 சொன்னாள், "நான் யோசித்துக் கொண்டிருந்தேன், மகனே, தேவ ஆவியால் ஏவப்படாத வார்த்தையைக் கொண்டே தேவன் என்னைச் சுகமாக்க முடியுமானால், தேவ ஆவியால் ஏவப்பட்டதைக் கொண்டு அவர் உண்மையில் என்ன செய்வார்?" எனவே அது ஏறக்குறைய அதைத் தீர்த்துவைக்கிறது என்று நான் நினைக்கிறேன். அப்படித்தானே? "தேவ ஆவியால் ஏவப்படாதது சுகமாக்குமானால், தேவ ஆவியால் ஏவப்பட்டது என்ன செய்யும்?" அதுதான் விஷயம், என் நண்பர்களே. ஆம், ஐயா.
    76 இப்போது, மற்றவருடைய இடத்தைப் பிடிக்க முயற்சிப்பது. தேவன் தம்முடைய மனிதனை ஒழுங்குபடுத்துகிறார். தேவன் தம்முடைய மனிதனை இடத்தில் வைக்கிறார். அவன் மற்றவருடைய இடத்தைப் பிடிக்க முயற்சிக்கக் கூடாது. நீங்கள் அதைச் செய்யக்கூடாது.
    77 இப்போது ஆலயத்தில் தரிசனம். அதை அவன் கண்டறிந்தபோது ஆலயத்திற்கு, அவன் கீழே சென்றான். ஏசாயா அதைக் கண்டான், எசேக்கியா, அவனுக்கு என்ன நடந்தது, பின்னர் அவன் மரித்துப்போனான் மேலும் அங்கே ஒரு-ஒரு... நான் உசியாவைச் சொல்கிறேன், அவன் குஷ்டரோக முகாமிற்குக் கொண்டு செல்லப்பட்டான், அவனுடைய மகன் அவன் ஸ்தானத்தில் ஆளுகை செய்ய வேண்டி யிருந்தது. பின்னர் ஏசாயா ஒருவிதத்தில் வெறுப்படைந்தான், எனவே அவன் ஒரு நாள் ஆலயத்திற்குக் கீழே சென்றான், ஒருவிதத்தில் அந்தக் காரியத்தைத் தன் நெஞ்சிலிருந்து இறக்கிவைப்பதற்காக.
    78 நாம் அனைவரும் செய்ய வேண்டிய ஒரு நல்ல காரியம் அதுதான் என்று நான் நினைக்கிறேன், தேவனுடைய ஆலயத்திற்குக் கீழே செல்வது, கீழே சென்று உங்கள் ஆத்துமாவை விடுவிப்பது, உங்கள் மனதிலிருந்து அந்தக் காரியத்தை அகற்றுவது.
    79 எனவே ஏசாயா அங்கே கீழே சென்றான், அவன் ஜெபிக்கத் துவங்கினான். அவன்... அது ஒருவேளை மதிய வேளையாக இருந்தி ருக்கலாம், அவன்... அல்லது அதி காலையாக இருந்திருக்கலாம், எனக்குத் தெரியாது. எனவே அவன் பலிபீடத் தண்டையில் கீழே இறங்கி ஜெபிக்கத் துவங்கினான், அவன் மிகுந்த தீவிரத்துடன் ஜெபிக்கும் வரை ஜெபித்துக் கொண்டிருந்தான். இப்போது அதுதான் வழி. அவன் எதைப் பார்த்துக் கொண்டிருந்தானோ, இங்கே பூமியிலே, அது தோல்விய டைந்திருந்ததை அவன் கண்டான். தேவன் ஆசீர்வதித்திருந்த அந்த ராஜா, இந்தப் பெரிய, வல்லமையான ராஜா, தேசத்திலேயே மகா வல்லமையுள்ளவர், இருந்தும் தோல்விய டைந்தான். பின்னர் என்ன செய்வதென்று அவனுக்குத் தெரியவில்லை, அவன் ஜெபிக்கத் துவங்கினான்.
    80 அப்போது, திடீரென்று, அவன் தன் தலையை உயர்த்தினான், அப்போது அவன் ஒரு உண்மையான ராஜாவைக் கண்டான். தேவன் உயரமும் உன்னதமுமாக வீற்றிருக்கக் கண்டான்; அவருடைய வஸ்திரத்தொங்கலால் வானங்கள் நிறைந்திருந்தன. அவன் கண்டான், அவன் பார்ப்பதற்கு ஏதோ ஒன்றை, ஒரு உண்மையான முன்மாதிரியைக் கண்டான். நீங்கள் பார்த்து ஒரு மனிதனை உங்கள் முன்மாதிரியாக்க முயற்சிக் கும்போது, நீங்கள் நிச்சயமாகத் தவறாகப் போவீர்கள், ஏனென்றால் அவன் தோல்வி யடைவான். ஆனால் அவர் தீர்க்கதரிசியிடம் சொல்ல முயற்சித்துக் கொண்டிருந்தார், "மனித னையோ அல்லது மனிதன் சொல்வதையோ பார்க்காதே. என்னிடத்திலும் நான் சொன்னதின் பக்கமும் உன் கண்களைத் திருப்பு. இங்கே மேலே பார்; ஒரு பூமிக்குரிய சிங்காசனம் அல்ல, ஆனால் ஒரு பரலோக சிங்காசனம், வானங்களில் உயர்த்தப் பட்டிருக்கிறது," அவரு டைய வஸ்திரத் தொங்கலால் ஆகாயமண்டலம் நிறைந்திருந்தது. அவன் மேலே பார்த்தான். பின்னர் அவன் ஆலயத்திலே பார்த்தான், ஆலயத்திலே தேவன் உயர்த்தப்பட்டிருப்பதை அவன் கண்டான், பரலோக சேராபீன்களைக் கவனித்தான்.
    81 இப்போது, அங்கே இருக்கிற சேராபீன்கள் தூதர்கள் அல்ல. குற்றவாளி களுக்காக வழியை மன்றாடுகிற பலியை எரிக்கிறவர்களாக அவர்கள் இருக்கிறார்கள். மேலும் அவர்கள் பலியை எரிக்கிறவர்களாய் இருந்தார்கள்.
    82 இந்த ஜீவன்களின்மேல் ஒரு விசேஷித்த மூடி இருந்தது, தேவன் சர்வ பரிசுத்தர் என்பதை அது காட்டுகிறது. தேவன் சர்வ பரிசுத்தர். மேலும் அவர்கள் தங்கள் சத்தம் உயர்த்தி: "சேனைகளின் கர்த்தராகிய தேவன் பரிசுத்தர், பரிசுத்தர், பரிசுத்தர். பரிசுத்தர், பரிசுத்தர், பரிசுத்தர்," என்று தேவனுடைய பிரசன்னத் திலேயே சத்தமிட்டுக் கொண்டிருந்தார்கள்.
    83 நினைவில் கொள்ளுங்கள், பரிசுத்த ஸ்தலத்தைக் காக்கிறவர்கள் சேராபீன்களும் கேருபீன்களுமே. பலியை எடுத்து அதைச் செலுத்துகிறவர்கள் அவர்களே. மேலும் இதோ அவர்கள், தேவனுடைய பிரசன்னத் திலேயே வாசம்பண்ணிக்கொண்டு, "சேனைகளின் கர்த்த ராகிய தேவன் பரிசுத்தர், பரிசுத்தர், பரிசுத்தர்" என்று சத்தமிட்டுக் கொண்டிருந்தார்கள்.
    84 சிறிது நேரம் அவர்களுடைய அமைப்பை நாம் கவனிப்போம். இவர்கள் ஆறு சிறகுகளுள்ள ஜீவன்கள் என்பதை நாம் கண்டறிகிறோம். அவர்கள் இரண்டு சிறகுகளால் தங்கள் முகங்களை மூடி, இரண்டு சிறகுகளால் தங்கள் கால்களை மூடி, இரண்டு சிறகுகளால் பறந்தார்கள்.
    85 சிந்தித்துப் பாருங்கள், முதலாவது, இரண்டு சிறகுகள் அவர்கள் முகங்களின்மேல் இருந்தன. முதலாவது, அது என்னவாக இருக்கும்? அவர்கள் முகங்களின்மேல் இருந்த இரண்டு சிறகுகள் எதைக் குறிக்கின்றன என்பதை நாம் கண்டறிவோம். பரிசுத்த தூதர்கள்கூட மற்றும் கேருபீன்கள்கூட அவருடைய பிரசன்னத்தில் நிற்பதற்கு, தங்கள் முகத்தை மூடிக்கொள்ள வேண்டியிருக்கும் அளவுக்கு தேவன் அவ்வளவு பரிசுத்தமு ள்ளவராக இருக்கும் போது, நாம் எப்படி நிற்கப் போகிறோம்? நிற்கும்போது, நாம் அனைவரும், தேவனுடைய பிரசன்னத்தில் நிற்க வேண்டியிருக்கும்; அவர் உன்னத நியாயாதிபதி, நாம் அனைவரும் அவருடைய பிரசன்னத்தில் நிற்போம். மேலும் பாவம் இன்னதென்று ஒருபோதும் அறியாத பரிசுத்த தூதர்கள்; அவர்கள் ஒரு விசேஷித்த ஜீவனாக சிருஷ்டிக்கப்பட்டார்கள், அவருடைய பிரசன் னத்தில் நிற்பதற்கு, அங்கே தங்கியிருப் பதற்கு, தங்கள் பரிசுத்த முகங்களை மூடிக்கொள்ள வேண்டியிருக்கிறது. தூதர்கள் அங்கே நிற்பதற்கு தங்கள் பரிசுத்த முகங்களை மூடிக்கொள்ள வேண்டியிருந்தால், சர்வவல்ல தேவனுடைய பிரசன்னத்தில் நாம் தங்கினால், அவருடைய பிரசன்னத்தில் வாழ்வதற்கு நாம் என்ன செய்வோம்? இருப்பினும் நமக்கு ஒரு மூடி இருக்கிறது, இயேசு கிறிஸ்துவின் இரத்தம். அது சரி. இன்று...
    86 அது பயபக்தி. அது தேவனுடைய பிரசன்னத்தில் பயபக்தியைக் குறித்தது. 
    87 இன்று பயபக்தி இல்லை. ஓ, அங்கே இருக்கும் சிறிதளவு, அது மிகச் சொற்பமாக இருக்கிறது. என்ன? கிறிஸ்தவம் என்று அழைக்கப்படுவதைப் பார்த்து மக்கள் சிரிப்பதை நீங்கள் காண்கிறீர்கள். அந்த மனிதனுக்கு என்ன சம்பவிக்கப்போகிறது? தேவன் பூமிக்கு எதையாவது அனுப்பும் போது, அது வார்த்தையின்படியே மிகச் சரியாகச் செயல்படுவதை அவர்கள் பார்க்கும்போது, மனிதன் அதைக் குறித்துப் பேசி, அதைக் கேலி செய்தால்? வேதாகமம் என்ன சொன்னது என்று உங்களுக்குத் தெரியுமா? இயேசு சொன்னார், "அது பரிசுத்த ஆவிக்கு விரோதமான தேவ தூஷணம், அது ஒருபோதும் மன்னிக்கப் படமாட்டாது." "ஓ," அவர்கள் சொல்கிறார்கள், "அது பிசாசினால் உண்டானது."
    88 சகோதரனே, சகோதரியே, நீங்கள் சொல்வதைக் குறித்துக் கவனமாயிருங்கள். பாவி, நீ சொல்வதைக் குறித்துக் கவனமாயிரு. அதற்கு மன்னிப்பே இல்லை. இயேசு சொன்னார், "அதற்கு விரோதமாக ஒரு வார்த்தை பேசுவது, இந்த உலகத்திலாவது அல்லது வரப்போகும் உலகத்திலாவது மன்னிக்கப் படுவதில்லை."
    89 அவர் எதைச் செய்து முடித்தார் என்று பாருங்கள், பகுத்தறிந்து, அவர்கள் இருத யத்தில் இருந்த எண்ணங்களை அவர்களுக்குச் சொன்னார். அப்பொழுது அவர்கள், "இவன் பெயல்செபூல்," என்று சொல்லி, தேவனுடைய ஆவியை "ஒரு அசுத்த ஆவி, ஒரு பிசாசு தேவனுடைய கிரியையைச் செய்கிறது" என்று அழைத்தார்கள்.
    90 அவர் சொன்னார், "நான் உங்களை மன்னிப்பேன்," அந்த நேரத்தில் பரிகாரம் செய்யப்படவில்லை, ஆனால், இயேசு மரிக்கவில்லை. "ஆனால்," சொன்னார், "பரிசுத்த ஆவி வரும்போது, அதற்கு விரோதமாகப் பேசுவது, அது உங்களுக்கு ஒருபோதும் மன்னிக்கப்படுவதில்லை." அவர் அப்போது செய்து கொண்டிருந்த அதே கிரியையைச் செய்ய பரிசுத்த ஆவியானவர் வரும்போது, அது ஒருபோதும் மன்னிக்கப் படுவதில்லை. பயபக்தியற்ற ஜனங்கள்! தேவனை நிராகரித்த இந்தத் தேசம், நியாயத்தீர்ப்பைத் தவிர வேறு எதை நாம் எதிர்பார்க்க முடியும்?
    91 இந்தத் தேசம், எத்தனையோ பில்லி கிரகாம்கள் மற்றும் ஓரல் ராபர்ட்ஸ்கள் இந்தத் தேசம் முழுவதும் முழங்கியி ருக்கிறார்கள், மற்றும் சிலுவையின் மற்ற சிறந்த போர்வீரர்கள் இந்தத் தேசம் முழுவதும் சென்று, சுவிசேஷத்தைப் பிரசங்கித்திருக்கிறார்கள், இருப் பினும் ஒவ்வொரு ஆண்டும் அது மூர்க்கவெறி கொண்டு எழுகிறது, பாவம் பெருகிக்கொண்டே போகிறது.
    92 அந்த-அந்தச் சிறந்த சுவிசேஷகர், பில்லி கிரகாம், மற்றொரு நாள் அவருடைய கூட்டங்களில் ஒன்றில் சொன்னார், அவர் நியூயார்க்கிற்குச் சென்றபோது, "அவருடைய எழுப்புதலுக்குப் பிறகு நியூயார்க் பாவத்தில் பல சதவீதம் அதிகரித்திருப்பதாக" அவர் நம்புவதாகச் சொன்னார். 
    அவர் இங்கே கலிபோர்னியாவில், லாஸ் ஏஞ்சல்ஸில் இருந்தபோது சொன்னார், அவர் சொன்னார், "இப்போதிருந்து பத்து அல்லது பதினைந்து ஆண்டுகளில், ஒவ்வொரு குடிமகனும் ஒரு கைத்துப்பாக்கியை, அல்லது தன்னைப் பாது காத்துக்கொள்ள ஏதோ ஒன்றை வைத்திருக்க வேண்டியிருக்கும், அவர்களால் போதுமான சட்ட அமலாக்கத்தைப் பெற முடியாது, பாவம் அத்தகைய மூர்க்கவெறியில் இருக்கிறது."
    93 ஓ, அது என்ன? அது வேதாகமத்திற்குப் பயபக்தியற்றதாக இருப்பதே. அவர்கள் தங்கள் வாய்ப்பை நிராகரித்துவிட்டார்கள். அவர்கள் தூஷித்து, கேலி செய்தார்கள். அது சரி.
    94 இப்போது அதைச் சற்று நம்முடைய வீட்டிற்கு அருகாமையில் கொண்டு வருவோம், சபைகளைப் பாருங்கள், அவர்கள் என்ன செய்திருக்கிறார்கள். அவர்களில் அநேகர் தேசம் முழுவதும் செல்கிறார்கள்... மக்களுக்கு அவர்களுடைய பாவ வழிகளைக் குறித்துச் சொல்ல, தம்மிடத்தில் போதுமான அளவு-போதுமான அளவு தேவனுடைய உண்மையான வல்லமையைப் பெற்ற ஒரு மனிதனை நீங்கள் பெறும்போது! 
    கை குலுக்குவதோ அல்லது மேலே வந்து ஒரு தீர்மானம் எடுப்பதோ அல்ல, அவர்கள் மறுபடியும் பிறக்க வேண்டும் என்று அவர்களிடம் சொல்லும் ஒருவரைப் பெறுங்கள். அவர்கள் மறுபடியும் பிறக்க வேண்டும்; ஒரு புத்தகத்தில் உங்கள் பெயரை எழுதுவதோ, அல்லது சபையில் சேருவதோ, அல்லது கை குலுக்குவதோ, அல்லது ஏதோ தெளிப்போ, அல்லது ஏதோ ஞானஸ்நானமோ அல்ல. 
    ஆனால் தேவனுடைய ஆவியினால் பிறப்பது, பிரித்தெடுக்கப்படுவது, தேவனுடைய ஜீவன் உங்களுக்குள் வாழ்வது, அது தன்னை வெளிப்படுத்துவது; இன்று, நாளை மட்டுமல்ல, உங்கள் மீதமுள்ள நாட்கள் முழுவதும்; உங்கள் சோதனைகளிலும் உபத்திரவங்களிலும் சந்தோ ஷத்துடன், உங்களுக்கு முன்பாக மகிமைக்குப் போகிற பாதை திறந்திருக்கிறது என்பதை அறிந்து, நீங்கள் தொடர்ந்து செல்வீர்கள். 
    அதுதான் அத்தகைய சுவிசேஷம்! நீங்கள் அவர்களை அப்படிப் பட்டவர்களாகக் காணும் போது, நீங்கள் அதைப் பிரசங்கிக்கிறீர்கள்; அடுத்த வருடம் திரும்பி வாருங்கள், அங்கே அவர்கள் அப்படியே இருக்கிறார்கள், அதே விஷயம், இன்னும் மோசமாக, அது அதிகமாகவும் அதிகமாகவும் இருக்கிறது. நீங்கள் அதற்கு விரோதமாக எவ்வளவு அதிகமாகப் பிரசங்கிக்கிறீர்களோ, அவ்வளவு மோசமாக அது மாறுகிறது. அது என்ன? அது பயபக்தியின்மை.
    95 மேலும் அந்த மக்களில் தொண் ணூற்றைந்து சதவீதம் பேர் சபைக்குச் செல்கிறார்கள், புத்தகத்தில் தங்கள் பெயரை வைத்திருக்கிறார்கள், கிறிஸ்தவர்கள் என்று சொல்லிக் கொள்கிறார்கள். புகைபிடித்து, குடித்து, சூதாடி, மற்றும் ஆபாசமான ஜோக்கு களைச் சொல்லும் மனிதர்கள் கிறிஸ்தவர்கள் என்று சொல்லிக் கொள்கிறார்கள். 
    போர்டில் உள்ள அநேக டீக்கன்கள், ஒன்று, இரண்டு, மூன்று மற்றும் நான்கு மனைவிகளுடன் இருக்கிறார்கள். அது உண்மை. எப்பேர்ப்பட்ட அவமானம்! பெண்கள் பாடகர் குழுவில் பாடுகிறார்கள், கத்தரிக்கப்பட்ட தலைமுடியுடன். வேதாகமம் சொன்னது, "அவள் ஒரு கனவீனமான நபர்." அவர்கள் முகத்தில் வர்ணம் பூசுவது! வேதாகமத்தில், ஒரே ஒரு பெண் மட்டும்தான் முகத்தில் வர்ணம் பூசினாள், அது யேசபேல். 
    தேவன் அவளை நாய்களுக்கு இரையாகப் போட்டார், எனவே அதைக் குறித்து அவர் என்ன நினைக்கிறார் என்பதை நீங்கள் பார்க்கிறீர்கள். மேலும் பின்னர் நீங்கள் வந்து அதைக் குறித்து அவர்களிடம் சொல்லுகிறீர்கள்; அடுத்த வருடம், திரும்பி வாருங்கள், அவர்கள் முதலில் இருந்ததைவிட மோசமாக இருக்கி றார்கள். பயபக்தியற்றவர்கள், அவர்களுக்கு எந்த மரியாதையும் இல்லை, கண்ணியத்தைப் பற்றிய எந்த-எந்தச் சிந்தனையும் இல்லை.
    96 பெண்களே, இளம் பெண்களே, மற்றும் வயதானவர்களே, நான் உங்களுக்கு ஒன்றைச் சொல்லுகிறேன்; இந்த ஆடைகளை அணிந்து கொண்டு, இந்தச் சிறிய இறுக்கமான ஆடைகள், மற்றும் அரைக் காற்சட்டைகளை அணிந்து கொண்டு இங்கே வெளியே போகிறீர்கள். நீங்கள் சொல்கிறீர்கள், "சகோதரன் பிரான்ஹாம், நீங்கள் அப்படிப் பேசக் கூடாது." நான் பேசவேண்டும். அது என் கடமை. இது ஒரு-இது ஒரு பிரசங்கபீடம்.
    97 வெகு காலத்திற்கு முன்பு அல்ல, ஒரு மனிதர் என்னை அழைத்தார், தேசத்திலுள்ள மிகப் பெரிய பெந்தெகோஸ்தே சுவிசேஷ கர்களில் ஒருவர். அவர் சொன்னார், "அந்த மக்களை நீங்கள் சும்மா விடுங்கள்." நான் சொன்னேன், "அவர்களைச் சும்மா விடும்படி எனக்குச் சொல்ல நீங்கள் யார்?"
    98 அவர் சொன்னார், "நான் உங்களை நேசிக்கிறேன்." மேலும் அவர் சொன்னார், "வியாதிப்பட்டவர்களுக்காக ஜெபிப்பதே உங் கள் ஊழியம்." நான் சொன்னேன், "சுவிசே ஷத்தைப் பிரசங்கிப்பதுதான், சகோதரனே."
    99 மேலும் அவர் சொன்னார், "பாருங்கள், சகோதரன் பிரான்ஹாம்," சொன்னார், "ஏன், அந்த மக்கள் உங்களை ஒரு தீர்க்கதரிசி என்று நம்புகிறார்கள்." நான் சொன்னேன், "நான் அப்படி என்று நான் ஒரு போதும் சொல்ல வில்லையே, சொன்னேனா?"
    100 அவர் சொன்னார், "ஆனால் அவர்கள் உங்களை அப்படி இருப்பதாக நம்புகிறார்கள். அவர்கள் உடுத்தும் விதம் மற்றும் அவர்கள் செய்யும் காரியத்தைக் குறித்து எப்போதும் அவர்களைக் கடிந்துகொள்வதற்குப் பதிலாக, பரிசுத்த ஆவியை எப்படிப் பெறுவது, மற்றும் வரங்களை எப்படிப் பெறுவது மற்றும் ஏதாவது செய்வது எப்படி என்று அந்தப் பெண்களுக்கு நீங்கள் ஏன் போதிக்கக்கூடாது? காரியத்திற்கு உதவியாக, நீங்கள் ஏன் அவர்களுக்கு அத்தகைய காரியங்களைப் போதிக்கக்கூடாது?"
    101 நான் சொன்னேன், "அவர்கள் தங்கள் ABC-யையே கற்றுக்கொள்ளாதபோது நான் எப்படி அவர்களுக்கு அல்ஜீப்ராவைப் (algebra) போதிக்க முடியும்?" ABC என்றால் என்னவென்று உங்களுக்குத் தெரியுமா? எப்போதும் கிறிஸ்துவை விசுவாசியுங்கள் (Always Believe Christ). அது சரி.
    102 இப்போது, இப்போது உங்களால் அதை எப்படிச் செய்ய முடியும், உங்களால் அதை எப்படிச் செய்ய முடியும்? அவர்கள்மேல் ஒரு அழுத்தம் இருப்பது போலத் தோன்றுகிறது, ஏதோ ஒன்று அவர்களை அதைச் செய்ய விட மாட்டேன்கிறது. அது ஒரு நவீன சோதோமாக இதை மாற்றுகிறது. நாம் நின்றுகொண்டிருக்கிற அந்த மணிவேளை அதுதான், இன்று தேசத்தில் நடந்து கொண்டிருக்கும் அந்தக் கொடூரமான காரியங்கள். மேலும் அவர் சொன்னார், "சரி, பாருங்கள்..."
    103 நான் சொன்னேன், "இல்லை, என்னிடம் ஆதரவளிப்பதற்கு எந்தத் திட்டங் களும் இல்லை. என்னை வெளியேற்றுவதற்கு என்னிடம் எந்தச் சபையும் இல்லை. இல்லை ஐயா." மேலும் நான் சொன்னேன்... அவர் சொன்னார், "அதைச் செய்வது போதகருடைய கடமை."
    104 அப்படியானால், அது யாரோ ஒருவரைப் பொறுத்தது, அதற்கு விரோதமாகச் சத்தமிடுவதற்கு ஏதோ ஒரு சத்தம் எழும்ப வேண்டும், ஏனென்றால் அது தவறானது. நிச்சயமாகவே அது தவறானது. பயபக்தி, அதை மதியுங்கள்.
    105 ஒரு இளம் பெண் ஒருமுறை என்னிடம் சொன்னாள், அவள் சொன்னாள், "திரு. பிரான்ஹாம், அவர்கள் இதைத் தவிர வேறு ஆடைகளைத் தயாரிப்பதில்லை."
    106 நான் சொன்னேன், "அவர்கள் இன்னும் துணிமணிகளை விற்கிறார்கள், அவர்களிடம் தையல் இயந்திரங்கள் உள்ளன." அது சரி.
    107 பெண்ணே, நான் உங்களுக்கு ஒன்றைச் சொல்லுகிறேன். உங்களால் முடிந்தவரை நீங்கள் சுத்தமாகவும் கற்புள்ளவராகவும் இருக்கலாம். உங்களால் முடிந்த வரை நீங்கள் உங்கள் கணவருக்கோ, உங்கள் காதலருக்கோ, கண்ணிய மானவராக இருக்கலாம். ஆனால் இந்த நாட்களிலொன்றில், நியாயத்தீர்ப்பு விசாரணைக் கூண்டில், விபச்சாரம் செய்ததற்காக நீங்கள் பதில் சொல்லப்போகிறீர்கள். "நான் குற்றவாளி இல்லையென்றால்?"
    108 நீங்கள் குற்றவாளிதான்! இயேசு சொன்னார், "ஒரு ஸ்திரீயை இச்சையோடு பார்க்கிற எவனும் தன் இருதயத்தில் அவளோடே விபச்சாரஞ்செய்தாயிற்று." மேலும் உங்களை அப்படிப்பார்த்த, உங்களைக் குறித்து அந்த எண்ணங்களைக் கொண்டிருந்த அந்தப் பாவி, நியாயத்தீர்ப்பு நாளிலே அதற்குப் பதில் சொல்ல வேண்டியிருக்கும். 
    மேலும் அவன் ஏன் அதைச் செய்தான்? நீங்கள் உங்களை அவனுக்கு முன்பாகப் பிரசன்னப் படுத்தினீர்கள், ஏதோ ஒரு விதமான ஆடைகள் மற்றும் அதுபோன்ற காரியங்களில் முறுக்கிக்கொண்டு நின்றீர்கள். சரி. அது ஒரு அவமானம். நீங்கள் அதைச் செய்ய வேண்டியிருக்கும், பெண்ணே.
    109 கிறிஸ்தவர்கள் என்று உங்களை அழைத்துக்கொள்கிற ஆண்களே, உங்கள் வீட்டை நீங்கள் ஆளுகை செய்யவேண்டும், ஆனால் உங்கள் பெண்களை அப்படிச் செய்ய அனுமதிக்கிறீர்கள், மனந்திரும்புங்கள் இல்லா விட்டால் உங்கள் வீடு முழுவதும் அழிந்துபோகும்!
    110 இதற்குப் பிறகு உங்களுக்கு என்னைப் பிடிக்காமல் போகலாம், ஆனால் நான் உங்களுக்கு சத்தியத்தைச் சொல்லப் போகிறேன், ஏனென்றால் நான் நியாயத்தீர்ப்பு விசாரணைக் கூண்டிற்கு வரும்போது என் கைகள் இரத்தப் பழியிலிருந்து நீங்கிச் சுத்தமாக இருக்கும். அது ஒன்று நிச்சயம், பாருங்கள். ஆம். 
    கேளுங்கள், சகோதரனே, அடையாளத்தோடு கூடச் செல்கிற ஒரு சத்தம் எப்போதும் இருக்கிறது, உங்க ளுக்குத் தெரியும், மேலும் நீங்கள் அதைக் கேட்பது நல்லது; என்னுடையது அல்ல, ஆனால் இதுதான் வேதாகமம் சொன்னது. அது சரி. ஓ, இது பழைய பாணியாகத் தொனிப்பது எனக்குத் தெரியும், ஆனால் அதுதான் வேதாகமம் சொன்னது, நாம் அப்படித்தான் இருக்க வேண்டும் என்று எதிர்பார்க்கப் படுகிறது. தேவனுடைய பிரசன்னத்தில் நிற்பதற்கு, தூதர்கள் தங்கள் முகங்களை மூடிக்கொள்ள வேண்டியிருக்கிறது.
    111 மேலும், பெண்களே, வேதாகமம் சொன்னபோது, "ஒரு பெண் கத்தரிக்கப்பட்ட தலைமுடியுடன் ஜெபிப்பது ஒரு அபூர்வமான காரியம், அல்லது சாதாரண காரியம்." ஜெபிப்பதற்கு அவளுக்கு உரிமையே இல்லை, ஆனால் நீங்கள் அவளைப் பாடகர் குழுவில் நிறுத்துகிறீர்கள், அவளை ஒரு பிரசங்கி யாராகவும் ஆக்குகிறீர்கள். அது சரி.
    112 அது உங்களுக்குச் சற்று குமட்டலை உண்டாக்குகிறது என்று எனக்குத் தெரியும். ஆனால், உங்களுக்குத் தெரியும், விளக் கெண்ணெய் குடிப்பதைப் பற்றி அம்மா என்னிடம் சொல்வார்களே, "அது உனக்குக் குமட்டலை உண்டாக்கவில்லை என்றால், அது உனக்கு எந்த நன்மையையும் செய்யாது." எனவே சுவிசேஷமும் அப்படித் தான் இருக்கிறது. அது உங்களைச் சிந்திக்க வைக்க வேண்டும். அது சத்தியம். ஆண்கள் மற்றும் பெண்கள், இருவரும், இரு சாராரும் குற்றவாளிகளே, இரு பக்கமும், இது பாதி அது பாதி.
    113 வார்த்தை என்ன சொல்கிறது என்பதைப் பொருட்படுத்தாமல், பயபக்தி யில்லாமல் நாம் நின்றுகொண்டிருக்கிற இடம் மிகச்சரியாக அதுதான். "சரி, அது பரவாயில்லை. அது பரவாயில்லை என்று நான் நம்புகிறேன்." அது பரவாயில்லை என்று நீங்கள் அனுமானித் துக்கொள்கிறீர்கள். அது தவறு என்று வேதாகமம் சொல்கிறது! அனுமானிப்பது என்பது "அதிகாரமில்லாமல் துணிந்து செயல்படுவது." அதைச் செய்வதற்கு உங்களுக்கு தேவனுடைய அதிகாரம் இல்லை.
    114 இந்த வேதகலாசாலைகள் மற்றும் பள்ளிகள் மற்றும் காரியங்கள், இவை இத்தகைய காரியங்களைக் கண்டு கொள்ளாமல் விட்டுவிடுகின்றன, அது ஒரு அவமானம். அது இளம் ஆண்களை, இளம் ஊழியர்களைத் தவறான பாதையில் கொண்டு செல்கிறது, தேவனுடைய வார்த்தைக்குப் பதிலாக ஏதோ ஒருவிதமான மனிதனால் உண்டாக்கப்பட்ட இறையியலைப் பின் பற்றும்படி அவர்களைக் கொண்டுசெல்கிறது. 
    ஒரு உண்மையான மெய்யான செய்தியை அவர்களால் நம்ப முடியாததில் ஆச்சரி யமில்லை, இத்தகைய காரியங்களை அவர்களால் சபையில் வைத்திருக்க முடியாததில் ஆச்சரியமில்லை, கடைசி நாட்களில் அவர்கள் அவரை வெளியே நிறுத்திவைக்க வேண்டி யிருப்பதில் ஆச்சரியமில்லை, அவருடைய பிரசன்னத்தில் பயபக்தி இல்லை. 
    அவருடைய பிரசன்னம் கீழே இறங்கி வரலாம், அவர்கள் சிரிப்பார்கள், சூயிங்கம் மெல்லுவார்கள், இங்கும் அங்கும் நடப்பார்கள், எனக்குத் தெரியாது என்னவெல்லாமோ செய்வார்கள், அவருடைய பிரசன்னத்தில், ஒன்றுமில்லாதது போல எந்தப் பயபக்தியும் இல்லை. இப்போது, இப்போது சற்றும் பயபக்தி இல்லை, தேவனுக்கோ அல்லது அவருடைய மக்களுக்கோ.
    115 ஏன், ஏன் அவர்கள் இதைச் செய்கிறார்கள்? இப்போது உன்னிப்பாகக் கவனியுங்கள். ஏன் அவர்கள் அதைச் செய்கிறார்கள்? அவருடைய பிரசன்னத்தை அவர்கள் உணருவதில்லை. அது தேவன் என்று அவர்கள் நினைப்பதில்லை.
    116 உண்மையில் அந்தப் பெண்... அல்லது அந்தப் போர்ச்சேவகன் அவருடைய முகத்தில் அறைந்து, அவருடைய முகத்தைச் சுற்றி ஒரு துணியைக் கட்டி, அவருடைய தலையில் அடித்து, "இப்போது நீ தீர்க்கதரிசியானால், யார் உன்னை அடித்தது என்று எங்களுக்குச் சொல்" என்று சொன்னானே, அவன் அதைச் செய்திருப்பான் என்று நீங்கள் நினைக்கிறீர்களா? 
    தான் அடித்துக்கொண்டிருந்தது தேவன் என்பதை அந்த மனிதன் அறிந்திருந்தால், அவன் அதைச் செய்திருப்பான் என்று நீங்கள் நினைக்கிறீர்களா? அந்த வெறித்த போர்ச் சேவகன் அவருடைய முகத்திலிருந்து தாடியைப் பிய்த்து, அவருடைய முகத்தில் காறி உமிழ்ந்து, அந்த முகத்தில் சளியை உமிழ்ந்து துப்பியிருப்பானே, அது தேவனுடைய குமாரன் என்று அவன் அறிந்தி ருந்தால் அவன் அதைச் செய்திருப்பான் என்று நீங்கள் நினைக்கிறீர்களா? அவன் அதை உணரவில்லை.
    117 மேலும் இன்று, மக்கள் எதை ஒரு கூட்ட வெறியர்கள் என்று அழைக்கி றார்களோ, அந்த மக்களிடத்தில் கிரியை செய்வது பரிசுத்த ஆவி என்பதை அவர்கள் உணருவதில்லை. மேலும் எதைச் செய்தாலும் தப்பித்துக் கொள்கிறார்கள்; அதை உணருவதில்லை, அவருடைய பிரசன்னத்தை உணருவதில்லை. 
    உங்களுக்குத் தெரியும், பழைய பழமொழி ஒன்று இருப்பதைப் போல... அவர்களில் சிலர் சொல்கிறார்கள், "நான் அந்தக் கூட்டத்திற்குப் போய் சிரிக்கிறேன், குறை கண்டுபிடிப்பதற்காக அந்தக் கூட்டத்திற்குப் போகிறேன்." தேவ தூதர்கள் மிதிக்க அஞ்சும் இடங்களில் முட்டாள்கள் ஆணிகள் அடித்த காலணிகளுடன் நடப்பார்கள் என்று சொல்லப் பட்டிருக்கிறது. தேவனை உணரவில்லை, அதுதான் காரணம்.
    118 நீங்கள் ஏன் தாவீதைப் போல இருக்கக்கூடாது? தாவீது சொன்னான், "நான் அவரை எப்போதும் எனக்கு முன்பாக வைத்திருக்கிறேன்." அதனால்தான் அவன் சொன்னான், "நான் அசைக்கப்படுவதில்லை," ஏனென்றால் தேவன் எப்போதும் அவனுக்கு முன்பாக இருக்கிறார். ஆம், ஐயா.
    119 இப்போது, இரண்டாவதாக, அவர்கள் தங்கள் கால்களை மூடினார்கள். என்ன, "அவர்கள் தங்கள் கால்களை மூடினார்கள்," என்பதன் அர்த்தம் என்ன? மனத்தாழ்மை. தங்கள் முகங்களை மூடுவது என்பது தேவனுடைய பிரசன்னத்தில் பயபக்தியைக் குறித்தது. தங்கள் கால்களை மூடுவது என்பது அவருடைய பிரசன்னத்தில் மனத்தாழ்மையாக இருந்தது.
    120 மோசே அவருடைய பிரசன்னத்தில் இருந்தபோது, தன் காலணிகளைக் கழற்றி, தன் கால்களைத் திறந்திருந்ததைப்போல.
    121 பவுல் இயேசுவைக் கண்டபோது, அந்த அக்கினி ஸ்தம்பத்தை, அவர் தரையில் விழுந்தார், தன் கால்களிலிருந்து. அவருடைய கால்கள் இருக்க வேண்டிய இடத்தில், அவர் தன் முகத்தை வைத்திருந்தார், மனத்தாழ்மை.
    122 யோவான் ஸ்நானகன், அந்தப் பெரிய தீர்க்கதரிசி, நானூறு ஆண்டுகளில் தேசத்தில் இருந்த முதல் நபர், ஆனால் அவர் சொன்னார், "அவருடைய கால்களைத் தொடவோ, அவருடைய பாதரட்சையின் வாரை அவிழ்க் கவோ நான் பாத்திரன் அல்ல."
    123 பாருங்கள், அவர் கால்கள்மேல் இருந்த ஒன்று, மூடப்பட்டிருந்தது, மனத்தாழ்மையைக் குறித்தது. இப்போது தேவனுக்கு முன்பாக இந்த ஊழியக்காரனைக் கவனியுங்கள்: பயபக்தியில் அவன் முகம் மூடப்பட்டிருந்தது, மனத் தாழ்மையில் அவன் கால்கள் மூடப் பட்டிருந்தன, ஆம், மேலும் உணர்ந்து... உங்கள் சிறுமையை மிக நன்றாய் உணர்ந்து கொள்ளுங்கள்.
    124 நாம் அனைவரும் ஏதோ ஒரு பெரிய ஆளாக இருக்க முயற்சிக்கிறோம். "நான் டாக்டர் இன்னார், இன்னாருடைய பெரிய இன்னார்." நீங்கள் ஒன்றுமில்லை. அது சரி. அது வெறும்... நீங்கள் ஒன்றுமில்லை. நீங்கள் எவ்வளவு பெரியவர் என்று நீங்கள் அறிய விரும்பினால், ஒரு தண்ணீர் தொட்டியில் உங்கள் விரலை விட்டு அதை வெளியே எடுங்கள், பின்னர் நீங்கள் அதை உள்ளே விட்ட துளையைக் கண்டுபிடியுங்கள். பாருங்கள்? அங்கே ஒன்றும் இல்லை. நாம் அப்படித்தான் இருக்கிறோம். நாம் இல்லாமல் தேவன் செயல்பட முடியும், ஆனால் அவர் இல்லாமல் நம்மால் செயல்பட முடியாது. நீங்கள் யார்? பாருங்கள்?
    125 நீங்கள் எவ்வளவு சிறியவர் என்பதை உணருங்கள். மேலே செல்லும் வழி கீழே போவதுதான். "தன்னைத் தாழ்த்துகிறவன் உயர்த்தப்படுவான்; தன்னை உயர்த்துகிறவன் தாழ்த்தப்படுவான்."
    126 வெகு காலத்திற்கு முன்பு அல்ல, நான் சிகாகோவிற்கு அழைக்கப் பட்டிருந்தேன், ஒரு பரிசுத்தவான்கள் கூட்டத்தினால், பேசுவதற்காக. அங்கே கல்லூரியில் நான்கு பட்டங்கள் மற்றும் அதுபோன்றவற்றைப் பெற்ற ஒரு பெரிய பெந்தெகோஸ்தே ஊழியர் இருந்தார், மேலும் அங்கே அவர்கள் நடத்தப்போகும் அந்தப் பெரிய ஆலோசனைச் சங்கத்திற்கு முன்பாக என்னுடைய அந்தச் சிறிய, அனுபவமற்ற பேச்சு முறை இருப்பதை அவர் விரும்பவில்லை.
     எனவே அவர் ஒரு பெரிய வேதாகமப் பள்ளியிலிருந்து ஒரு மனிதரை வரவழைத்தார், சிகாகோவின் பெரிய வேதாகமப் பள்ளி, அந்தப் பேச்சைச் செய்வதற்கு. மேலும் அந்த மனிதர் தான் என்ன செய்யப்போகிறேன் என்று இப்போது சொன்னார், "அங்கே மேலே வந்து அந்த மக்களை இழிவுபடுத்தப்போகிறேன், தனக்குத் தோன்றிய எல்லாவற்றைக் குறித்தும், பரிசுத்த ஆவி மற்றும் அதுபோன்ற எல்லாவற்றையும் நம்புவதன் மூலம் அவர்கள் எவ்வளவு தவறாக இருக்கிறார்கள் என்று," பெந்தெகோஸ்தே மக்களுக்கு முன்பாக. 
    அவர் தன் நெஞ்சை நிமிர்த்திக்கொண்டு அங்கே மேலே நடந்தார், ஒரு கழுத்துப் பட்டியைத் திருப்பிக் கொண்டு, ஒரு டக்ஸிடோ உடையை அணிந்தவர் போல, தன் குறிப்புகள் எல்லாவற்றையும் மேடையின்மேல் வீசினார். அவர் அதை அவ்வளவு நேர்த்தியாகத் தயாரித்திருந்தார், அவரால் வேதாகமத்தை விளக்க முடியும், ஆனால் தேவனுக்கு அதைக் குறித்து ஒன்றும் தெரியாது (என்கிற அளவுக்கு).
    127 மேலும் உங்களுக்குத் தெரியும் முதல் காரியம், நீங்கள்... அது மக்களிடத்தில் எடுபடவில்லை என்று அவர் கண்டார். அவர் அப்படிப்பட்ட ஏதோ ஒன்றைச் சொல்லிக் கொண்டே இருந்தார், அவர்கள் சும்மா உட்கார்ந்து ஒருவரையொருவர் பார்த்துக் கொண்டிருந்தார்கள். அத்தகைய மக்களிடம் அது எடுபடவில்லை, அந்தப் பெந்தெகோஸ் தேகாரர்களிடம். 
    எனவே சிறிது நேரத்திற்குப் பிறகு தான் தோற்கடிக்கப்பட்டதை அவர் கண்டார், அவர் தன் பொருட்களைத் தன் கக்கத்தில் இடுக்கிக்கொண்டு, மேடையை விட்டு இறங்கி நடந்தார், தலை குனிந்து, சோர்ந்துபோய். சுவரோரத்தில் அமர்ந்திருந்த ஒரு முதிர்ந்த பரிசுத்தவான் சொன்னார், "அவர் கீழே இறங்கி வந்த விதமாக மேலே சென்றிருந்தால், அவர் மேலே சென்ற விதமாகக் கீழே இறங்கி வந்திருப்பார்." மேலும் அது ஏறக்குறைய அப்படித்தான் இருக்கிறது.
    128 உங்களைத் தாழ்த்துங்கள், நீங்கள் எவ்வளவு சிறியவராக இருக்க முடியும் என்பதைப் பாருங்கள்; உங்களுக்குத் தெரிந்த வற்றைக் கொண்டு அல்ல, உங்களுக்குத் தெரியாதவற்றைக் கொண்டு. தேவனுக்கு முன்பாக உங்களைத் தாழ்த்திக்கொள்ளுங்கள். இப்போது நாம் காண்கிறோம், மூன்றாவதாக, மற்ற இரண்டு சிறகுகளால் அவர் பறக்க முடிந்தது.
    129 இப்போது கவனியுங்கள், முதலாவது, அவர், தேவனுடைய பிரசன்னத்தில், அவர் பயபக்தியோடு இருந்தார், தன் முகம் மூடப்பட்ட நிலையில். இரண்டாவதாக, அவர் தேவனுக்கு முன்பாக மனத்தாழ்மையோடு இருந்தார், தன் கால்கள் மூடப்பட்ட நிலையில். மேலும் அவருடைய அடுத்த இரண்டு சிறகுகள், அவரால் பறக்க முடிந்தது, அவரைச் செயலில் இறக்கியது. ஓ, ஆச்சரியம்!
    130 தேவன் என்ன செய்து கொண்டி ருந்தார்? அவர் தீர்க்கதரிசிக்குத் தம்முடைய ஆயத்தமாக்கப்பட்ட ஊழியக்காரன் எப்படி இருக்க வேண்டும் என்பதைக் காண்பித்துக் கொண்டிருந்தார். தேவன் காண்பித்துக் கொண்டி ருந்தார், "இவர்கள் என்னுடைய ஊழியக் காரர்கள். இவர்கள் என்னுடையவர்கள். அவர்கள் எப்படி ஆயத்தமாக்கப் பட்டிருக் கிறார்கள் என்று பார்; பயபக்தி, மனத்தாழ்மை, மற்றும் செயல்." அப்படித் தான் தேவனுடைய ஊழியக்காரர்கள் இருக்கிறார்கள். ஓ, ஆச்சரியம்!
    131 நாம் அப்படித்தான் இருக்க வேண்டும்: தேவனுடைய வார்த்தைக்குப் பயபக்தியுள்ளவர் களாகவும், மனத்தாழ்மையுள்ளவர்களாகவும், தேவனுக்காகச் செயலிலும் இருக்க வேண்டும்.
    132 அந்தப் பெண் செயலுக்கு அழைக்கப் பட்டபோது இருந்ததைப்போல, வாருங்கள், அவள் சொன்னபோது, "வாருங்கள், நான் செய்தவற்றை எனக்குச் சொன்ன ஒரு மனிதரைப் பாருங்கள்."
    133 அவருடைய அடையாளம் அவள் மேல் தாக்கத்தை ஏற்படுத்தியது, அவரே மேசியா என்று. அவள் சொன்னாள், "ஐயா, எங்களுக்குத் தெரியும், மேசியா வரும் போது... இப்போது, நீர் ஒரு தீர்க்கதரிசியாக இருக்க வேண்டும். எங்களுக்குத் தெரியும், மேசியா வரும்போது, அவர் இந்தக் காரியங்களை எங்களுக்குச் சொல்வார்."
    134 பாருங்கள், அவள் அவர் இப்படிச் சொல்வார் என்று எதிர்பார்த்தாள், "சரி, மேசியா மிகச் சீக்கிரம் வரப்போகிறார்; நான் அவருக்கு முன்னோடியாக இருக்கிறேன்." ஆனால் அவர் சொன்னார், "நானே அவர்."
    135 அது உடனே அவளைச் செயலில் இறக்கியது. அவள் செயலில் இறங்கினாள். உங்களால் அவளை நிறுத்த முடியவில்லை. அது ஒரு வீடு தீப்பற்றி எரிவதைப் போல இருந்தது, நான் மற்றொரு நாள் இரவு சொன்னது போல, பலத்த காற்றில். உங்களால் அவளை நிறுத்த முடியவில்லை. 
    அவள் ஊருக்குள் கீழே போனாள், "வாருங்கள், நான் செய்த காரியங்களை எனக்குச் சொன்ன ஒரு மனிதரைப் பாருங்கள். இவர் மேசியா அல்லவா?" பாருங்கள்? அவள் செயலில் இருந்தாள். அவள் என்ன செய்தாள்? அவள் மேலே வந்தாள், முதலாவது, தன்னைத் தாழ்த்தி னாள். "எனக்குக் குடிக்கத் தண்ணீர் தா."
    136 சொன்னாள், "ஏன், எங்கள் பிதாக்கள் இந்தக் கிணற்றிலிருந்து குடித்தார்கள்," மற்றும் பல. மேலும்-மேலும் அவள்...
    137 அவர் சொன்னார், "சரி, நான் உனக்குக் குடிக்கத் தண்ணீர் கொடுப்பேன்; நீ இங்கே வரத் தேவையில்லை." அவள், "ஐயா, ஐயா, அந்தத் தண்ணீரை எனக்குத் தாரும்."
    138 பாருங்கள், அதைக்குறித்து அவள் மனத்தாழ்மையாக இருந்தாள். அவள் தன்னைத் தாழ்த்தியபோது, அப்போது இயேசு அவளுக்கு மேசியாவின் அடையாளத்தைக் காண்பித்தார், அது அவளைச் செயலில் இறக்கியது. அப்போது அவள் போவதற்குத் தயாராக இருந்தாள், தான் சந்தித்த ஒவ்வொருவரிடமும் சொல்ல அவள் தயாராக இருந்தாள். பாருங்கள்?
    139 உண்மையாகவே, கீழ்நாட்டு கலாச் சாரங்களின்படி, அந்த ஆண்கள் அந்தப் பெண்ணுக்குச் செவிகொடுத்திருக்கவே மாட் டார்கள். அப்படிப்பட்ட ஒரு பெண்ணுக்கு மக்கள் மத்தியில் எந்தக் குரலும் இல்லை. அவளுக்கு நிச்சயமாகவே இல்லை. அவளால் ஒன்றும் சொல்ல முடியாது. 
    ஆனால் அவளை நிறுத்த நீங்கள் முயற்சிக்கிறீர்களா? அவள் செயலில் இருந்தாள். அவள் யாருக்காவது சொல்ல வேண்டியிருந்தது, "இங்கே வெளியே வந்து நீங்களே பாருங்கள். நான் செய்ததை அந்த மனிதர் எனக்குச் சொன்னார். நாம் தேடிக்கொண்டிருந்தது இதுவல்லவா? வேத வாக்கியம் சொல்வது இதுவல்லவா, மேசியா, அவர் வரும்போது, அவர் இதைச் செய்வார் என்று?" அவள் செயலில் இருந்தாள் ஏனென்றால் அவள் தாழ்மையடைந்தாள், தேவன் அவளுக்குள் இறங்கினார்.
    140 பேதுரு, அவர் அவருடைய வார்த்தையை ஏற்றுக்கொண்டபோது. அவர் இரவு முழுவதும் வலை வீசியிருந்தார், அங்கே ஒரு மீனவனாக இருந்து, அவர் உள்ளே வந்தார், சோர்ந்துபோய், மீன் இல்லை. 
    மீன் இல்லாதிருப்பது என்றால் என்ன வென்று எந்த ஒரு நல்ல மீனவனுக்கும் தெரியும். பின்னர், முதல் காரியம், அவர் தன் வலைகளை அலசியிருந்தார், அவற்றை கரையின்மேல் விரித்து, அவற்றை உலர விட்டுக் கொண்டிருந்தார்.
    141 இயேசு கீழே வந்து, அவருடைய படகை இரவல் கொடுக்கும்படி கேட்டார். அவர் பிரசங்கித்தார். பின்பு அவர், "சீமோனே, ஆழத்திலே தள்ளிக் கொண்டு போய், மீன்களைப் பிடிக்கும்படிக்கு உங்கள் வலைகளைப் போடுங்கள். நீங்கள் இரவு முழுவதும் வலைவீசிய இடத்துக்கே, நீங்கள் மணிக்கணக்காகப் பிரயாசப்பட்ட இடத்துக்கே திரும்பப் போய், திரளான மீன்களைப் பிடிக்கும்படிக்கு, ஒரு பெரிய வேட்டைக்காக, வலையைப் போடுங்கள்" என்றார்.
    142 இப்போது பாருங்கள். அவன் சொன்னான், "ஆண்டவரே, நாங்கள் இரா முழுவதும் பிரயாசப்பட்டோம், ஒன்றும் அகப்படவில்லை. ஆனாலும் உம்முடைய வார்த்தையின்படியே, ஆண்டவரே, நான் வலையைப் போடுகிறேன். உம்முடைய வார்த்தையின்படியே!" அதுதான் விஷயம், தேவனை அவருடைய வார்த்தையின்படியே ஏற்றுக்கொள்வது. மேலும் அவன் வலையைப் போட்டபோது, அவன் திரளான மீன்களை வாரிக்கொண்டான், அது வலை கிழியத்தக்கதாக இருந்தது.
    143 அது அவனைச் செயலில் இறக்கியது. ஆம், ஐயா. இயேசுவின் தாக்கம் அவனைச் செயலில் இறக்கியது, அவன் வலையைப் போட்டான். அப்பொழுது இயேசு சொன்னார், "பயப்படாதே, இதுமுதல் நீ மனுஷரைப் பிடிக்கிறவனாய் இருப்பாய்."
    144 அந்தக் குருடன், அவன் சுகமாக் கப்பட்டபோது, வாசலருகே உட்கார்ந்து... அல்லது தெருவில் உட்கார்ந்திருந்தான். பரிசேயர்கள் சொன்னார்கள், "யாராவது அவரை அறிக்கையிட்டால், அல்லது இயேசு வோடு ஏதேனும் தொடர்பு வைத்திருந்தால், அவர்கள் ஜெபஆலயத்திற்குப் புறம்பாக்கப் படுவார்கள்."
    145 அவர்கள், அவர்கள் வந்து, தகப் பனையும் தாயையும் கேட்டார்கள். அவர்கள் சொன்னார்கள், "அவன் வயதுள்ளவனாயி ருக்கிறான்; அவனைக் கேளுங்கள்." அவன் சொன்னான், "இயேசு என்று சொல்லப்படுகிற ஒரு மனிதர் என்னைக் குணமாக்கினார்."
    146 சொன்னார்கள், "இந்த மனிதன் ஒரு பாவி. இவன் நம்முடைய கூட்டத்தைச் சேர்ந்தவன் அல்ல. இவன் எங்கிருந்து வந்தான் என்று நாம் அறியோம். தேவனை மகிமைப்படுத்து!"
    147 அவன் சொன்னான், "இப்போது, அவர் ஒரு பாவியோ இல்லையோ, நான் அறியேன்." அவன் சொன்னான், "ஆனால் ஒன்று நான் அறிவேன்; நான் குருடனாயிருந்தேன், இப் பொழுது காண்கிறேன்." மேலும் சொன்னான், "எனக்கு வேடிக்கையாக இருப்பது என்ன வென்றால், இந்த வேளையின் ஆவிக்குரிய தலைவர்களாக இருக்க வேண்டிய நீங்கள், இந்த மனிதர் என் கண்களைத் திறந்திருக்கையில், அவர் எங்கிருந்து வந்தார் என்று நீங்கள் அறியாதிருக்கிறீர்களே." அவன் என்ன செய் தான்? அவன் செயலில் இறங்கினான். அது சரி. அது அவனைச் செயலில் இறக்கியது, ஏனென்றால் அவன் அவருடைய கீர்த்தியைத் தேசமெங்கும் பிரஸ்தாபம் பண்ணினான்.
    148 பெந்தெகோஸ்தே நாளில் இருந்த மக்கள், இயேசு அவர்களிடம் அங்கே மேலே காத்திருக்கச் சொன்னபோது, அவர்கள் இருப்பார்கள்... கீழே வந்தது, பெந்தெ கோஸ்தே நாளில் பரிசுத்த ஆவியானவர் அவர்கள் மேல் இறங்கி வந்தபோது, தேவனுடைய வார்த்தை வெளிப்பட்டதினால் அவர்கள் தாக்கம் பெற்றிருந்தார்கள். 
    இப்போது நினைவில் கொள்ளுங்கள், இயேசு சொன்னார், "உன்னதத்திலிருந்து வரும் பலனால் நீங்கள் தரிப்பிக்கப்படும்வரை எருசலேமில் காத்திருங்கள்." அவர்கள் காத்திரு ந்தார்கள், எட்டு நாட்கள் அல்ல, ஒன்பது நாட்கள் அல்ல; வாக்குத்தத்தம் வெளிப்படும்வரை அவர்கள் பத்து நாட்கள் காத்திருந்தார்கள். அப்பொழுது பரிசுத்த ஆவியானவர் இறங்கி, தம்மைப் பங்கிட்டு, அக்கினி நாவுகளாக அவர்கள் ஒவ்வொரு வர்மேலும் அமர்ந்தார்.
    149 மேலும் அவர்கள் பரிசுத்த ஆவியானவரால் தாக்கம் பெற்றிருந்தபோது, அவர்கள் செயலில் இறங்கினார்கள், குடித்த வர்களைப்போல தள்ளாடி, சத்தமிட்டு, அந்நிய பாஷைகளில் பேசிக்கொண்டு, வீதிக்கு வெளியே சென்றார்கள். அவர்கள் சொன்னார்கள், "இவர்கள் புது மதுவால் நிறைந்திருக்கிறார்கள்."
    150 அவர், பேதுரு, எழுந்து நின்று, சொன்னார், "இது தீர்க்கதரிசியாகிய யோவே லினால் உரைக்கப்பட்டது, 'கடைசி நாட்களில் சம்பவிப்பதாவது.'" அது என்ன செய்தது? அது அவனைச் செயலில் இறக்கியது.
    151 அது உங்களைச் செயலில் இறக்கும், நீங்கள் அதைப் பெறாதிருந்தால், தேவனுடைய வார்த்தை நிறைவேறுவதை நீங்கள் பார்க்கும் போது அது உங்களைச் செயலில் இறக்கும். இந்தக் கடைசி நாட்களில் நாம் கண்டிருப்பவை, நம்மைச் செயலில் இறக்க வேண்டும். நாம் அதை வெறும் பயபக்தியுடனும் மனத்தாழ்மை யுடனும் செய்தால், அது அதைச் செய்யும். 
    பவுலுக்கு முன்பாக இருந்த அக்கினி ஸ்தம்பம், அவரைச் செயலில் இறக்கியது. மேலும் இன்று நாம் அதே அக்கினி ஸ்தம்பத்தைப் பார்க்கும் போது, அறிவியலால், அதன் முடிவுகளால், அது வாக்குத்தத்தம் பண்ணிய வற்றால், இந்தக் கடைசி நாட்களில் வார்த்தையைத் துல்லியமாக நிறைவேறச் செய்வதால், அது நம்மைச் செயலில் இறக்க வேண்டும். 
    அந்த அடையாளம் கொடுக்கப் பட்டிருக்கிறது, "சோதோமின் நாட்களில் நடந்தது போலவே, சோதோம் எரிக்கப் படுவதற்குச் சற்று முன்பாக, மனுஷகுமாரன் வரும் நாட்களிலும் அப்படியே நடக்கும்; அவர் மறுபடியும் வெளிப்படுவார், நேற்றும் இன்றும் என்றும் மாறாதவராயிருக்கிறார்." 
    அது கிறிஸ்துவின் சரீரத்தின் ஒவ்வொரு அவயவத்தையும் செயலில் இறக்க வேண்டும், உங்களால் முடிந்த அனைத்தையும் உள்ளே கொண்டுவர வேண்டும், ஏனென்றால் இதுவே கடைசி மணிவேளை, இதுவே கடைசி அழைப்பு, கடைசி அழைப்பு. வார்த்தைக்கு வார்த்தை, அது நிறைவேற்றப்பட்டிருக்கிறது. அது நிச்சயமாகவே நம்மைச் செயலில் இறக்க வேண்டும்.
    152 நாம், தீர்க்கதரிசியைப் போலவே, தங்களை உயர்த்திக்கொண்ட பிரிவினைகள் கிறிஸ்துவில் தங்கள் இடத்தை இழந்து, அவருடைய வார்த்தையின் மீதான தங்கள் பிடிப்பை இழந்து, சமயக் கோட்பாடுகளை ஏற்றுக்கொண்டதன் விளைவைக் கண்டிருக் கிறோம். அவர்கள் அதைச் செய்தபோது அவர்களுக்கு என்ன நடந்தது என்பதைக் கண்டோம், அவர்கள் ஆவிக்குரிய ரீதியில் மரித்துப்போனார்கள். 
    லூத்தரன் சபையார் வெஸ்லியின் அழைப்பை மறுத்தபோது அவர்களுக்கு என்ன நடந்தது என்பதை நாம் காண்கிறோம். மெத்தடிஸ்ட் சபையார் பெந்தெகோஸ்தே அழைப்பை மறுத்தபோது அவர்களுக்கு என்ன நடந்தது என்பதை நாம் காண்கிறோம். இப்போது பெந்தெகோஸ்தேகாரர்களைப் பற்றி என்ன? பாருங்கள்?
    153 அபிஷேகம் பண்ணப்பட்ட ஒரு பதவியின் இடத்தைப் பிடிக்க முயன்ற உசியாவைப் போன்ற, தங்களை உயர்த்திக் கொண்ட மனிதர்களை நாம் கண்டிருக்கிறோம். சபையில் ஒரு மனிதனுடைய பதவி அபிஷேகம் பண்ணப்படுவதே தவிர, நியமிக்கப்படுவதல்ல. அது அபிஷேகம் பண்ணப்படுவது. 
    சபை, அந்த... அந்தப் போதகர், சுவிசேஷகர், தீர்க்கதரிசி, அப்போஸ்தலர், தேவ னால் அபிஷேகம் பண்ணப்பட்ட பதவியாக இருக்க வேண்டுமே தவிர, மனிதனால் தேர்ந்தெடுக்கப் படுவதாக இருக்கக்கூடாது. மனிதர்கள் ஒருமுறை அந்தப் பதவியைத் தேர்ந்தெடுக்க முயன்றார்கள், அதற்காகச் சீட்டுப் போட்டார்கள்; பாவம் மத்தியா ஒருபோதும் ஒன்றும் செய்யவில்லை, ஆனால் தேவன் பவுலைத் தெரிந்துகொண்டார், அவர் அபிஷேகம் பண்ணப்பட்டிருந்ததினால் அவர் ஏதோ ஒன்றைச் செய்தார். 
    மேலும் இந்த அதிகாரிகள், "இவர் பரிசுத்த பிஷப் இன்னார், இவர் மாநில இன்னார், இவர் இன்னார்," என்று சொல்ல முயற்சிப்பதை நாம் கண்டிருக்கிறோம், அது ஒருபோதும் ஒன்றுக்கும் உதவாது. ஆனால் தேவன் உள்ளே வந்து பொறுப்பேற்றுக் கொள்ளும் போது, அப்போது பரிசுத்த ஆவியின் அபிஷேகம் தேவனுடைய வார்த்தையை நிரூபிப்பதை நாம் காண்கிறோம்.
    154 இப்போது, தீர்க்கதரிசியின் மீதான தரிசனத்தின் விளைவுகள், தீர்க்கதரிசியாகப் பிறந்த இந்த மனிதனுக்கு அது என்ன செய்தது? நினைவில் கொள்ளுங்கள், அவர் முழு வேதாகமத்தையும் எழுதினார். ஏசாயாவில் அறுபத்தாறு புஸ்தகங்கள் (அதிகாரங்கள்) உள்ளன, வேதாகமத்தில் அறுபத்தாறு புஸ்தகங்கள் உள்ளன. 
    ஆதியாகமத்தைப்போலத் துவங்குகிறது; புஸ்தகத்தின் நடுவில் புதிய ஏற்பாடு வருகிறது, யோவான் ஸ்நானகன்; மற்றும் ஆயிரவருட அரசாட்சியில் முடிகிறது. பெரிய தீர்க்கதரிசி, நாம் கண்டதிலேயே மிகப் பெரிய தீர்க்கதரிசிகளில் ஒருவர், ஏசாயா, மேலும் அவர் அப்படி இருப்பதற்கே பிறந்தார்.
    155 ஆனால் அவர் தேவனுடைய பிரசன்னத்தில் நின்றபோது, அது அந்தத் தீர்க்கதரிசியை என்ன செய்யத் தூண்டியது? அந்தத் தீர்க்கதரிசி சொன்னார், "ஐயோ! நான் அதமானேன், ஏனென்றால் நான் அசுத்த உதடுகளுள்ள மனுஷன்."
    156 அவர் ஆயத்தமானபோது பின்பு என்ன நடந்தது? இப்போது கவனியுங்கள், முடிவாக, அவர் ஒரு பாவி என்று அறிக்கையிடத் தயாராக இருந்தார், "ஐயோ! நான் அதமானேன், ஏனென்றால் நான் அசுத்த உதடுகளுள்ள மனுஷன், அசுத்த உதடுகளுள்ள ஜனங்களின் நடுவில் வாசமாயிருக்கிறேன். 
    ஐயோ! நான் அதமானேன்!" அப்பொழுது அந்தத் தூதன் குறட்டை எடுத்து, பலிபீடத்திலிருந்து ஒரு நெருப்புத் தணலை எடுத்து, அதைத் தன் கைகளில் பிடித்துக் கொண்டு, வந்து, அதினால் அவரைச் சுத்திகரித்தான். அவருடைய அறிக்கைக்குப் பிறகு, சுத்திகரிப்பு வந்தது.
    157 இப்போது அழைக்கப்பட்ட, தேவனுடைய தீர்க்கதரிசி என்று நிரூபிக்கப் பட்ட ஒரு தீர்க்கதரிசி, தேவனுடைய பிரசன்னத்தில், தன் சிறுமையைக் கண்டு, தான் ஒரு பாவி என்று அறிக்கையிடத் தயாராக இருந்தாரென்றால், நீங்களும் நானும் என்ன செய்ய வேண்டும்? ஆனால் நாம் என்ன செய்கிறோம் என்று உங்களுக்குத் தெரியுமா? நம் தலையைத் திருப்பிக் கொண்டு, விலகிச் சென்று சிரிக்கிறோம். சுத்திகரிப்பு வரும்வரை நாம் அங்கேதான் நின்றுகொண்டிருக்கிறோம். பாருங்கள், ஏசாயா...
    158 நீங்கள் மற்றொன்றையும் கவனிக்க வேண்டும் என்று நான் விரும்புகிறேன். தேவன் தம்முடைய ஊழியக்காரனைச் சுத்திகரிக்கப் புத்தகங்களையோ இறையியலையோ, இறை யியல் சொற்களையோ பயன்படுத்தவில்லை. அவர் அக்கினியைப் பயன்படுத்தினார். தம்முடைய ஊழியக்காரனைச் சுத்திகரிக்க அவர் ஒருபோதும் சமயக் கோட்பாடுகளைப் பயன்படுத்தவில்லை. 
    அவர் பலிபீடத்திலிருந்து அக்கினியை எடுத்தார். மேலும் இன்று தேவன் ஒரு மனிதனைச் சுத்திகரிப்பாரானால், ஒரு மனிதனைச் சுத்திகரிப்பது பரிசுத்த ஆவி என்னும் அக்கினியாகவே இருக்க வேண்டும்; ஒரு புத்தகத்தை வாசிப்பதோ இதைச் செய்வதோ, அல்லது இன்னார் எழுதிய வேறேதோ ஒரு புத்தகமோ அல்ல.
    159 இங்கே கலிபோர்னியாவில் ஒரு குறிப்பிட்ட பெரிய ஊழியர், மற்றொரு நாள் சொன்னார், தம்மிடம் "இந்த ஆண்டின் சிறந்த புத்தகம்" (book of the year) இருப்பதாக. நான் அவரோடு வேறுபடு கிறேன். இந்த ஆண்டின் சிறந்த புத்தகம் வேதாகமமே, எப்போதும் அதுவே. இந்த ஆண்டின் சிறந்த புத்தகம் தேவனுடைய புஸ்தகமே, எப்போதும்.
    160 மேலும் தேவன் தம்முடைய ஊழியக்காரனைச் சுத்திகரிக்க அக்கினியைப் பயன்படுத்தினார். பின்பு தொடர்ந்தது, அவர் தாழ்மையுடன் தான் தவறு என்று அறிக்கையிட்ட பிறகு, அப்போது சுத்திகரிப்பு வந்தது; சுத்திகரிப்புக்குப் பிறகு, அப்போது அனுப்புதல் (commissioning) வந்தது. 
    பாருங்கள், அதுதான் விஷயம், நம்மில் சிலர் சுத்திகரிக்கப்படுவதற்கு முன்பே அனுப்பப் படுவதற்கு முயற்சிக்கிறோம். பாருங்கள்? நாம் சொல்வோம், "சரி, நான் இதைப் பின்பற்று வேன்." நாம் தேவனைப் பின்பற்ற வேண்டும். அந்தத் தூதர்கள் ஒன்றைச் செய்தார்கள், தேவனுடைய பிரசன்னத்தில் வாழ்ந்தார்கள்; 
    தாழ்மையுடனும், பயபக்தியு டனும், தேவனுக்கு முன்பாகச் செயலிலும் இருந்தார்கள். பின்பு தொடர்ந்தது, அனுப்புதல்; அறிக்கை மற்றும் சுத்திகரிப்புக்குப் பிறகு, அப்பொழுது தான் சுத்திகரிக்கப்பட்ட ஏசாயா கூப்பிட்டு, "இதோ, அடியேன் இருக்கிறேன்; என்னை அனுப்பும்" என்றான்.
    161 ஓ, சகோதரனே, சகோதரியே, சுத்தி கரிப்பிற்காக ஏசாயாக்கள் தேவனுடைய ஆலயத்திற்கு இறங்கி வரவேண்டிய ஒரு காலம் உண்டென்றால் (அது இதுவே)! சபை அங்கத்தினர்கள் உண்மையிலேயே வந்து தங்கள் பாவங்களை அறிக்கையிட வேண்டிய ஒரு காலம் உண்டென்றால்! பின்மாறிப் போனவர் களுக்கு ஒரு காலம் உண்டென்றால் (அது இதுவே)!
    162 சற்று சிந்தித்துப் பாருங்கள், சோதோம் எரிந்த அந்த இரவில், அந்தத் தூதர்களுடைய செய்தியை விட்டு எத்தனை பேர் விலகிச் சென்றிருப்பார்கள் என்று ஆச்சரியமாயிருக்கிறது? அவர்களுடைய சத்தத்தைக் கேட்பதற்குப் போதுமான அக்கறை இல்லாதவர்கள் எத்தனை பேர் இருந்திருப்பார்கள்? மேலும் அதே இரவில் அவர்கள் அழிந்துபோனார்கள், மேலும் அவர்கள் இனி ஒருபோதும் இருக்க மாட்டார்கள், நரகத்தில் அவர்களுடைய தண்டனை மட்டுமே இருக்கும்.
    163 "நோவாவின் நாட்களில் எப்படி இருந்ததோ." எத்தனை பேர் அவனைப் பார்த்துச் சிரித்து அவனைக் கேலி செய்தார்கள், மேலும் "அந்தக் கிழட்டுப் பைத்தியக்காரன் மறுபடியும் உளறுவதைக் கேட்க நாம் மேலே போவோம், சும்மா ஒரு வேடிக்கைக்காக," என்று சொல்லி, அவனைக் கேட்கும்படி அங்கே மேலே வந்தார்கள். எழுந்து, விலகி நடந்து, அவன் பிரசங்கிப்பதைக் கேட்கக்கூட மாட்டார்கள். எல்லாவிதமான காரியங்கள்; அவன் பிரசங்கித்துக்கொண்டிருந்த அந்த நியாயத் தீர்ப்புகளிலேயே அவர்கள் அழிந்து போனார்கள்.
    164 ஆமோஸ், அந்தச் சிறிய பிரசங்கியார், அறிந்திருந்தார்... எங்குமிருந்தல்ல (அறியப் படாத இடத்திலிருந்து), ஒரு தீர்க்கதரிசி, அபிஷேகம், அந்த நேரத்தில் சமாரியாவைக் குனிந்து பார்த்தார். அவர் குன்றின் குறுக்கே மேலே வந்தபோது, அவருடைய வழுக்கைத் தலை மின்னியது, அவருடைய நரைத்த தாடி (மின்னியது). 
    அவர் கீழே பார்த்தார், உலகமெங்கிலும் இருந்து வருகிற சுற்றுலாப் பயணிகளைப் போலல்லாமல், அவர் அந்த நகரத்தைப் பார்த்தபோது அவருடைய பரிசுத்த கண்கள் சுருங்கின. காரணம், ஆசாரியர்கள், அவர்கள் அனைவரும் பாவம் செய்திருந்தார்கள், மேலும் கள்ளத் தீர்க்கதரிசிகள் அது பரவாயில்லை என்று அவர்களிடம் சொல்லிக் கொண்டிருந்தார்கள். 
    அவர் தன்னுடைய எழுப்புதலுக்கு எந்த ஒத்துழைப்பும் இல்லாமல் அங்கே கீழே நடந்து சென்றார். அவர் ஒன்றுமில்லாமல் அங்கே கீழே நடந்து சென்று, சத்தமிட்டார். மேலும் அவர் சொன்னார், "நீங்கள் சேவிப்பதாக உரிமை கொண்டாடுகிற அதே தேவன், உங்களை அழிப்பார்."
    165 மேலும் நான் சொல்லுகிறேன் கர்த்தர் சொல்லுகிறது என்னவென்றால்: அமெரிக்கா யாரைச் சேவிப்பதாக உரிமை கொண்டா டுகிறதோ அந்த தேவனே, அதை அழிப்பார். நீங்கள் அதை எப்படி வேண்டுமானாலும் எடுத்துக்கொள்ளுங்கள். நமக்குத் தேவையா யிருப்பது, பலிபீடத்தண்டையில் இறங்கி வருவதுதான், ஏசாயாவே. [ஒலி நாடாவில் காலியிடம்] 
    மேலும் தேவன் சொன்னார், "யார் எனக்காகப் போவார்கள்?"
    166 ஏசாயா சொன்னார், "இதோ, அடியேன் இருக்கிறேன்; என்னை அனுப்பும்." அந்தப் பாடலை நான் நினைக்கிறேன்:
   அக்கினித் தணல் தீர்க்கதரிசியைத் தொட்டபோது,
   அவனை எவ்வளவு சுத்தமாக மாற்ற முடியுமோ அவ்வளவு சுத்தமாக மாற்றினபோது,
   "யார் நமக்காகப் போவார்கள்?" என்று தேவனுடைய சத்தம் சொன்னபோது,
   அப்பொழுது அவன் பதிலளித்தான், "ஆண்டவரே, இதோ அடியேன், என்னை அனுப்பும்."
    167 முதலாவது அவன் தன்னைத் தாழ்த்தி, சுத்திகரிக்கப்பட்டு, நாம் கண்ட அந்த ஆயத்தமாக்கப்பட்ட ஊழியக்காரனைப் போலத் தயாராக வேண்டியிருந்தது. உசியாவைப் பாருங்கள் அவன் எப்படி ஆயத்தமாக்கப் பட்டிருந்தான், ஆனால் அவன் தோல்விய டைந்தான். வைக்காதீர்கள்...
    168 நீங்கள் சொல்லலாம், "சரி, இப்போது, டாக்டர் இன்னார் ஒரு நல்ல மனிதர் என்று எனக்குத் தெரியும். சகோதரன் இன்னாரை எனக்குத் தெரியும்." அவர்கள் அப்படி இருக்கலாம், ஆனால் அதைப் பார்க்காதீர்கள்.
    169 இங்கே மேலே பாருங்கள், பாருங்கள், இதோ வழி இருக்கிறது. ஆயத்தப் படுத்துவதற்கு தேவனிடம் ஒரு வழி இருக்கிறது. அவர் அதை எப்படிச் செய்தார்? பெந்தெகோஸ்தே நாளில், அவர்கள் என்ன செய்ய வேண்டும் என்று பேதுரு அவர்களுக்குச் சொன்னார். 
    அவர் அவர்களுக்காக ஒரு மருந்துச் சீட்டை எழுதினார், மேலும் அது எப்போதும் ஒரே மாதிரியாகவே இருந்து வருகிறது. அதில் கலப்படம் செய்யாதீர்கள், உங்கள் நோயாளி செத்துப்போகச் செய்வீர்கள். அவர்கள் கேட் டார்கள், "இரட்சிக்கப்படுவதற்கு நாங்கள் என்ன செய்யலாம்?"
    170 அவர் சொன்னார், "நீங்கள் ஒவ்வொ ருவரும் மனந்திரும்பி, பாவ மன்னிப்புக் கென்று இயேசு கிறிஸ்துவின் நாமத்தினாலே ஞானஸ்நானம் பெற்றுக் கொள்ளுங்கள், அப்பொழுது பரிசுத்த ஆவியின் வரத்தைப் பெறுவீர்கள். வாக்குத்தத்தமானது உங்களுக்கும், உங்கள் பிள்ளைகளுக்கும், தூரத்திலுள்ள யாவருக்கும், நம்முடைய தேவனாகிய கர்த்தர் கூப்பிடும் யாவருக்கும் உண்டாயிருக்கிறது."
    171 இன்றிரவு அது இங்கேயே இருக்கிறது. தேவன் இன்னும் அழைத்துக் கொண்டிருந்தால், அதுதான் மருந்துச் சீட்டு. அவர்கள் அங்கே பெற்றுக்கொண்ட அதே பரிசுத்த ஆவியை நீங்கள் இன்னும் பெற்றுக்கொள்ள முடியும், சும்மா... இன்றிரவு நீங்கள் அதே காரியத்தைப் பெற்றுக்கொள்ள முடியும். சும்மா அதைத் தொடர்ந்து செய்யுங்கள். நீங்கள் செய்வது அவ்வளவுதான். ஆம், அப்பொழுது நீங்கள் சொல்லலாம்:
   அக்கினித் தணல் தீர்க்கதரிசியைத் தொட்டபோது,
   அவனை எவ்வளவு சுத்தமாக மாற்ற முடியுமோ அவ்வளவு சுத்தமாக மாற்றினபோது,
   "யார் நமக்காகப் போவார்கள்?" என்று தேவனுடைய சத்தம் சொன்னபோது,
   அப்பொழுது அவன் பதிலளித்தான், "ஆண்டவரே, இதோ, என்னை அனுப்பும்."
    நாம் அதைப் பாடுவோம்.
   பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், உமக்கு பதிலளிக்க நான் விரைவாயிருப்பேன்;
   பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், நான் பதிலளிப்பேன், "ஆண்டவரே, என்னை அனுப்பும்."
    172 இங்கே கேளுங்கள், சகோதரனே.
   இப்பொழுது இலட்சக்கணக்கானோர் பாவத்திலும் வெட்கத்திலும், மரித்துக் கொண்டிருக்கிறார்கள்,
   ஓ, அவர்களுடைய சோகமான மற்றும் கசப்பான கூக்குரலைக் கேளுங்கள்;
   விரைந்து செல்லுங்கள், சகோதரனே, அவர்களைக் காப்பாற்ற விரைந்து செல்லுங்கள்;
   இப்பொழுது விரைவாகப் பதிலளியுங்கள், "ஆண்டவரே, இதோ அடியேன்."
   ஓ, பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், உமக்கு பதிலளிக்க நான் விரைவாயிருப்பேன்;
   ஓ, பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், நான் பதிலளிப்பேன், "ஆண்டவரே, என்னை அனுப்பும்."
    173 நாம் தலைகளைத் தாழ்த்துவோமாக. [சகோதரன் பிரான்ஹாம் பேசுங்கள், என் ஆண்டவரே என்று முணுமுணுத்துப் பாடுகிறார்]
   அவனை எவ்வளவு சுத்தமாக மாற்ற முடியுமோ அவ்வளவு சுத்தமாக மாற்றினபோது,
   "யார் நமக்காகப் போவார்கள்?" என்று தேவனுடைய சத்தம் சொன்னபோது,
   அப்பொழுது அவன் பதிலளித்தான், "ஆண்டவரே, இதோ, என்னை அனுப்பும்."
    நீங்கள் தாழ்மையடைந்து சுத்திகரிக்கப்பட விரும்புகிறீர்களா?
   பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், உமக்கு பதிலளிக்க நான் விரைவாயிருப்பேன்;
   பேசுங்கள், என் ஆண்டவரே, பேசுங்கள், என் ஆண்டவரே,
   பேசுங்கள், நான் பதிலளிப்பேன், "ஆண்டவரே, என்னை அனுப்பும்."
    174 அவர்கள் இப்போது வாசித்துக் கொண்டிருக்கும்போதே, இன்றிரவு இங்கே ஒரு ஏசாயா இருக்கிறாரா, அல்லது நூறு பேர், போக விரும்புகிறவர்கள், உங்கள் வாழ்க்கையில் தேவனுடைய சுத்திகரிப்பை விரும்புகிறவர்கள்? கிறிஸ்துவை உங்கள் இரட்சகராக அறியாத நீங்கள், அவர் உங்கள் இருதயத்தோடு பேசிக்கொண்டிருந்தால், இப்போது பலிபீடத் திற்கு வரும்படி அழைக்கப்படுகிறீர்கள். 
    வற்புறுத்துவதில் எனக்கு அதிக விருப்பமில்லை. பரிசுத்த ஆவியானவரே வற்புறுத்துகிறார் என்று நான் நினைக்கிறேன். ஆனால் நீங்கள் இங்கே இருந்து, கிறிஸ்து இல்லாமல் இருந்தால்... இப்போது நினைவில் கொள்ளுங்கள், இன்றிரவு இதைக் குறித்து நீங்கள் என்ன செய்கிறீர்கள் என்பதற்கு நியாயத்தீர்ப்பு நாளிலே நீங்கள் பதில் சொல்லுவீர்கள். பாருங்கள்? இப்போது நீங்கள் வர விரும்பினால், உங்களுடன் ஜெபிக்க நான் இங்கே இருக்கிறேன்.
    175 கிறிஸ்துவின் நாமத்தில், நான் உங்களுக்கு இந்த வாய்ப்பை அளிக்கிறேன், வந்து, தேவனைத் தேடுங்கள், மகிழ்ச்சியுடன் நீங்கள் அவரைக் கண்டடையலாம். வாலிபர் களே, முதியவர்களே, நடுத்தர வயதினரே, சபை அங்கத்தினர்களே, நீங்கள் யாராக இருந்தாலும்; 
    பரிசுத்த ஆவியானவரால் வருகிற தேவனுடைய அக்கினி, இந்த வேதாகமத்தின் ஒவ்வொரு வார்த்தையையும் நீங்கள் விசுவாசிக்கிற இடத்திற்கு வரும்வரை உங்கள் இருதயத்தில் உங்களைச் சுத்திகரிக்காமலும், அவர் மரித்தோரிலிருந்து உயிர்த்தெழுந்தார் என்பதற்கு உங்கள்... உங்கள் இருதயத்தில் கிறிஸ்து ஒரு உயிருள்ள சாட்சியாக இல்லாமலும் இருந்தால், அப்பொழுது நான் உங்களைப் பலிபீடத்திற்கு அழைக்கிறேன். 
    இங்கே வாருங்கள், நாங்கள் உங்களுடன் ஜெபிக்கிறோம். நீங்கள் அனைவரும், உங்கள் சொந்தச் செயலின் அடிப்படையில், நீங்கள் இரட்சிக்கப் பட்டிருக்கிறீர்கள் என்று விசுவாசியுங்கள்.
    176 அப்படியானால், பின்மாறிப்போன யாராவது இங்கே இருக்கிறீர்களா, வரக் கூடியவர்கள்? கிறிஸ்துவின் ஊழியக் காரனாக நான் உங்களைக் கேட்கிறேன், நீங்கள் இங்கே கீழே நடந்து வந்து, எங்களை உங்களுடன் ஜெபிக்க அனுமதிப்பீர்களா? 
    அவர் உங்களைத் திரும்ப ஏற்றுக்கொள்வார் என்று நான் சொல்லவில்லை; அவர் ஏற்றுக்கொள்வார் என்று நான் நம்புகிறேன். நீங்கள் இப்போது வந்து அதை முயன்று பார்க்கமாட்டீர்களா? அவர் உங்களுடன் பேசிக்கொண்டிருந்தால், வாருங்கள்.
    177 பரிசுத்த ஆவியின் அபிஷேகம் இல்லாதவர்களே? பின்மாறிப்போகாத, அது இல்லாத எவரும் இங்கே இல்லை என்று நான் அனுமானிக்கிறேன். அப்படியானால், எல்லோ ரும், ஜெபத்தோடு ஆயத்தமாக இருக்க வேண்டும்; கிறிஸ்தவர்கள், ஜெபத்தோடு ஆயத்தமாக இருக்க வேண்டும். மேலும் நீங்கள் ஜெபத்தோடு ஆயத்தமாக இருந்து, நீங்கள் அபிஷேகத்தைப் பெறாமலிருந்து, தேவன் அதை உங்களுக்குத் தர வேண்டும் என்று நீங்கள் விரும்பினால், அப்பொழுது இது உங்கள் வாய்ப்பு, இப்போது.
    178 இங்கே ஒரு மனிதர் இருக்கிறார், அது அவரிடம் இல்லை. அவருடைய தாழ்மையான இருதயத்தை ஆசீர்வதிப்பாராக. அவர் மற்றொரு ஏசாயா என்று நான் நம்புகிறேன். இப்போது உங்கள் தலைகளை உயர்த்துங்கள்.
    179 இங்கே பலிபீடத்தண்டையில் ஒரு மனிதர் தலைவணங்கி நிற்கிறார், அவர் ஒரு ஏசாயா என்று நான் நம்புகிறேன். இப்போது அவர் இங்கே இருக்கிறார். அவர் இங்கே இருக்கிறார் என்று நீங்கள் விசுவாசிக்கிறீர்களா?
    180 இப்போது நீங்கள் என்ன செய்திருக் கிறீர்கள் என்று நான் உங்களுக்குச் சொல்லப் போகிறேன். நீங்கள் இதுவரை செய்ததிலேயே மிகவும் பயங்கரமான காரியத்தைச் செய்திருக் கிறீர்கள். இங்கே பலிபீடத் தண்டையில் இருக்க வேண்டிய இருநூறு அல்லது முந்நூறு பேர் இங்கே இருக்கிறீர்கள்.
    181 நான் சொல்வது சரி என்பதை கர்த்தருடைய நாமத்தில் உங்களுக்குக் காண்பிக்கிறேன். பாருங்கள். இங்கே இருக்கிற மக்களில் சிலர், ஜெபியுங்கள்.
    182 இங்கே, இங்கே ஒரு பெண்மணி அமர்ந்திருக்கிறார், ஒரு வெள்ளை கோட் அணிந்து, சிறிய வெள்ளைச் சட்டை, என்னை நேராகப் பார்த்துக்கொண்டிருக்கிறார். என்னால்... அவர் ஒரு கிறிஸ்தவர். ஆனால் அவர் ஒரு பலவீனத்திற்காக ஜெபித்துக் கொண்டிருக்கிறார். 
    அவருக்கு மூட்டு வாதம் (arthritis) இருக்கிறது. தேவன் உங்களைச் சுகமாக்க முடியும், உங்களைக் குணமாக்க முடியும் என்று விசுவாசிக்கிறீர்களா? அப்படியானால் நீங்கள் அதைப் பெற்றுக்கொள்ளலாம்.
    183 அங்கே உங்களுக்கு அருகில் உட்கார்ந்திருக்கும் அடுத்த மனிதர், அவருடைய காதுகளில் ஏதோ கோளாறு இருக்கிறது. ஐயா, தேவன் உங்கள் காது கோளாறைக் குணமாக்கி, உங்களைச் சுகமாக்க முடியும் என்று விசுவாசிக் கிறீர்களா? ஆம். நீங்கள் விசுவாசித்தால் உங்கள் கையை உயர்த்துங்கள். இப்போது தயவுசெய்து பயபக்தியாய் இருங்கள், ஒரு கணம்.
    184 அவருக்கு நேராகப் பக்கத்தில் இருக்கும் மனிதர் ஒரு இருதயக் கோளாறினால் அவதிப்படுகிறார். ஐயா, அந்த இருதயக் கோளாறிலிருந்து தேவன் உங்களைக் குணமாக்க முடியும் என்று விசுவாசிக்கிறீர்களா? எனக்கு உங்களைத் தெரியாது. நீங்கள் எனக்கு அந்நியர். அது சரியா? நீங்கள் ஒரு அந்நியர். சரி, கேளுங்கள். நீங்கள் யார் என்று தேவன் எனக்குச் சொன்னால், அது உங்களுக்கு உதவுமா? 
    நான் சொல்வது உங்களுக்கு நன்றாகக் கேட்கிறதா? உங்கள் பெயர் திரு. பிளாக்வுட் (Mr. Blackwood). நீங்கள் எங்கிருந்து வருகிறீர்கள் என்று அவர் எனக்குச் சொல்ல முடியும் என்று விசுவாசிக்கிறீர்களா? நீங்கள் ரிவர்பேங்க், கலிபோர்னியாவிலிருந்து (River bank, California) வருகிறீர்கள். அது சரியானால், உங்கள் கால்களில் எழுந்து நில்லுங்கள். என் வாழ்நாளில் நான் அவரைப் பார்த்ததே இல்லை. சரி.
    185 தேவன் உங்களை ஆசீர்வதிப்பாராக, ஐயா. உங்கள் விசுவாசம் உங்களைச் சுகமாக்கியது. அங்கே உங்களுக்கு நேராகப் பக்கத்தில் உட்கார்ந்திருக்கும் அந்தப் பெண் மணிக்கு, நரம்புத் தொந்தரவு இருக்கிறது. உங்கள் நரம்புத் தளர்ச்சியிலிருந்து நீங்கள் சுகமாக விரும்புகிறீர்களா? நீங்கள் விரும்பி னால், உங்கள் கையை உயர்த்துங்கள். ஐயா, அவர் சுகமாவதற்காக உங்கள் கையை அவர்மேல் வையுங்கள்.
    186 இப்போது, உங்களுக்குப் பக்கத்தில் உட்கார்ந்திருக்கும் பெண்மணி, சிவப்பு உடை அணிந்திருப்பவர், சர்க்கரை வியாதி (sugar diabetes) கொண்டிருக்கிறார். அவரும் ஜெபிக்கப்பட விரும்புகிறார். பாருங்கள்? அவர் ஜெபிக்கப்பட விரும்புகிறார். விசுவாச மாயிருங்கள்.
    187 இங்கே வெகு பின்னால் ஒரு பெண்மணி உட்கார்ந்திருக்கிறார். அவர் ஒரு அறுவைச் சிகிச்சைக்குத் தயாராக இருக்கிறார். அவரால் மட்டும் முடியுமானால்... ஓ தேவனே! அவருக்குக் கருப்பை இறக்கம் (fallen womb) இருக்கிறது. அவர் பெயர் திருமதி மேக்ஸ்வெல் (Ms. Maxwell). விசுவாசியுங்கள். 
    எழுந்து நில்லுங்கள், உங்கள் சுகத்தை ஏற்றுக் கொள்ளுங்கள், திருமதி மேக்ஸ்வெல்... உங்களிடம் ஜெப அட்டை (prayer card) இல்லையல்லவா? உங்களிடம் ஜெப அட்டை இல்லையா? பரவாயில்லை, உங்களுக்கு ஒன்று தேவையில்லை. அது சரியானால் உங்கள் கையை உயர்த்துங்கள். 
    எனக்கு உங்களைத் தெரியாது. அது சரியானால், உங்கள் கையை அசைத்துக் காட்டுங்கள். நாம் ஒருவருக்கொருவர் அந்நியர்கள், உங்கள் கையை இப்படி அசைத்துக் காட்டுங்கள். அவர் எதைத் தொட்டார்? அவர் என்னை ஒருபோதும் தொடவில்லை.
    188 திரு. ஸ்டீவர்ட் (Mr. Stewart), நீங்களும் சுகமடைய விரும்புகிறீர்களா, நரம்புத் தளர்ச்சி, மற்றும் தேவன் உங்களைச் சுகமாக்குவார் என்று விசுவாசிக்கிறீர்களா? நான் உங்களுக்கு அந்நியன். ஆனால் நீங்கள்தான் அவர், நீங்கள் ஒரு நரம்புத் தளர்ச்சியினால் அவதிப்படுகிறீர்கள். உங்களால் உங்களைச் சமாளிக்க முடிவதில்லை. இயேசு கிறிஸ்துவின் நாமத்தில், உங்கள் கால்களில் எழுந்து நின்று உங்கள் சுகத்தை ஏற்றுக்கொள்ளுங்கள்.
    189 அங்கே உங்களுக்குப் பின்னால் உட் கார்ந்திருக்கும் ஒரு பெண்மணி இருக்கிறார். அவருக்கும் ஒரு நரம்புத் தளர்ச்சி இருக்கிறது. அவருடைய சரீரத்திலுள்ள தசைகளில் ஏதோ கோளாறு இருக்கிறது. அவர் அதைத் தவறவிடப் போகிறார் மற்றும்... திருமதி நியூவெல் (Mrs. Newell), அது உங்கள் பெயராக இருந்து, அது நீங்களாக இருந்தால் எழுந்து நில்லுங்கள். விசுவாசியுங்கள்! நீங்கள் விசுவாசிக்கிறீர்களா?
    190 நிச்சயமாக, இதோ இங்கே ஒரு பெண்மணி உட்கார்ந்திருக்கிறார், அவருக்கு இருதயக் கோளாறு மற்றும் உயர் இரத்த அழுத்தம் இருக்கிறது. சகோதரி, நீங்கள் அதை விசுவாசிக்கிறீர்களா, சரியா? அது சரியானால் எழுந்து நில்லுங்கள்.
    191 அங்கே உங்களுக்குப் பக்கத்தில் உட் கார்ந்திருக்கும் பெண்மணி, அவருடைய நெஞ்சில் ஏதோ இருக்கிறது. அது சரியானால், எழுந்து நில்லுங்கள்.
    192 அவருக்குப் பக்கத்தில் இருக்கும் பெண்மணியிடம் சொல்லுங்கள், அவருடைய முகத்தில் வளர்ச்சிகள், சிறிய கட்டிகள் போன்றவை இருக்கின்றன. அவர் அது குணமாக வேண்டுமென்றால், அவரை எழுந்து நின்று அதை ஏற்றுக்கொள்ளச் சொல்லுங்கள்.
    193 இப்போது பரிசுத்த ஆவியைத் தேடிக்கொண்டு, இந்தப் பலிபீடத்தண் டையில் இருக்க வேண்டிய ஒரு கூட்டம் உங்களில் இங்கே இருக்கிறது. அது கர்த்தர் சொல்லுகிறது என்னவென்றால் (THUS SAITH THE LORD). நான் என்ன சொல்கிறேன் என்று புரிகிறதா? இன்னும் ஒரு முறை நான் இந்த அழைப்பை விடுக்கப்போகிறேன். 
    நான் உங்களுக்குச் சத்தியத்தைச் சொல்கிறேன் என்பதற்கு அதுதான் அத்தாட்சி. தேவன் இங்கே உள்ள மக்களிடம் பேசிக் கொண்டிருக்கிறார், நீங்கள் சற்று சந்தேகத்தில் இருக்கிறீர்கள். உங்கள் கையை உயர்த்திக் கூறுவதற்குப் போதுமான நேர்மையுடன் இருப்பீர்களா, "ஆம், சகோதரன் பிரான்ஹாம், நான் எப்போதும் சற்றுத் தள்ளாட்டத்துடனேயே இருந்திருக்கிறேன். 
    எனக்குத் தேவன் அதிகமாகத் தேவை. நான் பரிசுத்த ஆவியின் அபிஷேகத்தைப் பெற்றதாக அறிக்கையிட்டபோது எனக்கு இருந்திருக்க வேண்டிய ஏதோ ஒன்று என்னிடம் குறைவு படுகிறது என்று எனக்குத் தெரியும்"? நீங்கள் அதைச் செய்வீர்களா, உங்கள் கையை உயர்த்துங்கள்? உங்களிடமே நேர்மையாக இருங்கள். பரிசுத்த ஆவி ஒருபோதும் தவறானவர் அல்ல. அப்படியானால் நீங்கள் ஏன் மேலே வந்து, அந்தச் சந்தேகத்தைத் தீர்த்துக் கொள்ளக் கூடாது? வாருங்கள்! "நான் விரைவா யிருப்பேன்..."
   பேசுங்கள், என் ஆண்டவரே, பேசுங்கள், என் ஆண்டவரே, (அதுதான்.)
   பேசுங்கள், உமக்கு பதிலளிக்க நான் விரைவாயிருப்பேன்;
    194 பாருங்கள், நண்பர்களே, நான் உங்களுக்குத் தவறாக ஒன்றும் சொல்ல வில்லை, அது பரிசுத்த ஆவியானவர் அழைக்கிறார், இங்கே நூற்றுக்கணக்கானோர் இருக்கிறார்கள். நான் ஒரு தீர்க்கதரிசி என்று நீங்கள் விசுவாசித்தால், இப்போது, நினைவில் கொள்ளுங்கள், கர்த்தருடைய நாமத்தில் நான் உங்களுக்குச் சொல்லுகிறேன்: நீங்கள் ஏமாற்றப்பட்டிருக்கிறீர்கள்! மேலே வாருங்கள்!
   ...அக்கினித் தணல் தீர்க்கதரிசியைத் தொட்டபோது,
   அவனை எவ்வளவு சுத்தமாக மாற்ற முடியுமோ அவ்வளவு சுத்தமாக மாற்றினபோது,
   "யார் நமக்காகப் போவார்கள்?" என்று தேவனுடைய சத்தம் சொன்னபோது,
   அப்பொழுது அவன் பதிலளித்தான், "ஆண்டவரே, இதோ, என்னை அனுப்பும்."
    195 நீங்களும் அதே காரியத்தைச் சொல்லமாட்டீர்களா? அப்படியானால் எழுந்திருங்கள், உங்கள் கைகளை உயர்த் துங்கள்.
   பேசுங்கள், என் ஆண்டவரே, ஓ, பேசுங்கள், என் ஆண்டவரே,
   பேசுங்கள், உமக்கு பதிலளிக்க நான் விரைவாயிருப்பேன்;
   பேசுங்கள், என் ஆண்டவரே...
    196 அவர் என்ன செய்கிறார்? அப்படி யானால் அவருக்குப் பதிலளியுங்கள், அவர் பேசிக்கொண்டிருந்தால். எங்கேயாவது ஒரு சிறிய சந்தேகம் இருந்தால், இப்போது இதைக் குறித்து நீங்கள் நிச்சயமில்லாமல் இருந்தால், எந்த வாய்ப்பையும் நழுவவிடாதீர்கள். 
   ... "ஆண்டவரே, என்னை அனுப்பும்."
   ஓ, பேசுங்கள், என் ஆண்டவரே...
    அவர் பேசிக்கொண்டிருக்கிறார். வாருங்கள்.
   ...என் ஆண்டவரே,
   பேசுங்கள், நான் விரைவாயிருப்பேன்...
    197 மக்களே, நான் மதவெறி பிடித்தவன் அல்ல. தவறான காரியங்களைச் சொல்லும் பழக்கம் எனக்கு இல்லை. நான் செய்வதைச் சொல்லும்போது நான் நடத்தப்படுவதாக உணருகிறேன்.
   ...என் ஆண்டவரே,
   பேசுங்கள், நான் பதிலளிப்பேன்.
    198 நீங்கள் சொல்கிறீர்கள், "மக்கள் இதைக் குறித்து என்ன சொல்வார்கள்?" தேவன் இதைக் குறித்து என்ன சொல்லப்போகிறார் என்பதுதான் முக்கியம்.
   "...என்னை அனுப்பும்."
   பேசுங்கள், என் ஆண்டவரே, (அது சரி.)
   பேசுங்கள், உமக்கு பதிலளிக்க நான் விரைவாயிருப்பேன்;
   ..என் ஆண்டவரே, ஓ, பேசுங்கள், என் ஆண்டவரே,
   பேசுங்கள், நான் பதிலளிப்பேன், "ஆண்டவரே, என்னை அனுப்பும்."
  இப்பொழுது கோடிக்கணக்கானோர் பாவத்திலும், அவமானத்திலும் மரித்துக் கொண்டிருக்கிறார்கள்,
  ஓ, அவர்களுடைய துயரமும், கசப்புமான கூக்குரலுக்கு செவிகொடுங்கள்;
  சகோதரனே, சீக்கிரம் அவர்களை மீட்க;
  ஓ, "போதகரே, இதோ, என்னை அனுப்பும்" என்று துரிதமாக பதிலுரையுங்கள்.
  ஓ, பேசும், என்...
    199 இப்போது இங்கேயுள்ள ஒவ்வொரு நபரும், நாளை ஒரு பெரிய சுகமளிக்கும் கூட்டத்திற்கும் நாம் ஆயத்தமாக இருக்க விரும்புகிறோம். மேலும் பரிசுத்த ஆவியைத் தேடிக்கொண்டிருக்கும் இந்த மக்களைச் சுற்றி நீங்கள் ஒவ்வொரு ஊழியரும் கூடி நிற்க வேண்டும் என்று நான் விரும்புகிறேன், ஐந்து நிமிடங்களில் நிறுத்திவிடாதீர்கள், அதுவரை அங்கேயே இருங்கள். எவ்வளவு நேரம்? பரிசுத்த ஆவி வரும் வரை.
   ...என் ஆண்டவரே,
   ஓ, பேசுங்கள், நான்...
    200 இப்போது சபையார் தங்கள் கையை வேறொருவர்மேல் வைப்பார்களாக, ஒருவரி லொருவர் உங்கள் கையை வையுங்கள், யாராவது ஒருவரின்மேல்; இங்கே மேலே இருக்கிற இந்தப் மக்களுக்காகப் பிரதிநிதித் துவப்படுத்தி ஜெபிக்கப்போகிற நீங்கள்.
   ...என் ஆண்டவரே,
    201 இப்போது வரிசைகள் நிரம்பி வழிகின்றன, பலிபீடம் நிரம்பி வழிகிறது, சுமார் நூற்று ஐம்பது, இருநூறு பேர் இருக்கிறார்கள்.
   ...என் ஆண்டவரே,
   பேசுங்கள், நான் பதிலளிப்பேன்...
    202 இப்போது ஜெபிக்கத் துவங்குங்கள், "ஆண்டவரே, என்னை அனுப்பும்! பேசுங்கள், என் ஆண்டவரே! ஆண்டவரே, என்னை அனுப்பும்!"
    203 ஆண்டவரே, இவர்களைக் குணமாக்கும், இயேசு கிறிஸ்துவின் நாமத்தில். ஆண்டவரே, அருளும். ஓ தேவனே, இவர்களுடைய ஜெபங்களுக்குப் பதிலளித் தருளும்.
    204 விட்டுவிடாதீர்கள். அது நடக்கும் வரை அங்கேயே இருங்கள். தேவனுடைய கூக்குரலை நீங்கள் கேட்கும் வரை தங்கியிருங்கள். கேருபீன்கள் உங்களை அசைக்கும் வரை நில்லுங்கள், பரிசுத்த ஆவியானவர் தேவனு டைய பலிபீடத்திலிருந்து அக்கினித் தணலை எடுத்து, அதை உங்கள் உதடுகளின்மேல் வைக்கிறார்...?...
   பேசுங்கள், என் ஆண்டவரே...
~ 2 ~